Din

Ana səhifə

Din

Bu gün bağlanması gözlənilən “İlahiyyat fakültəsi” məscidində Cümə namazı qılınıb - FOTOSESSİYA

Bu gün bağlanması gözlənilən “İlahiyyat fakültəsi” məscidində Cümə namazı qılınıb - <font color=red>FOTOSESSİYA</font>

22 may 2009 13:06 (UTC +04:00)

Qeyd edək ki, “Şəhidlər” Məscidi təmirə bağlandıqdan sonra Bakı Dövlət Universitetinin “Tələbə şəhərciyində” yerləşən “İlahiyyat fakültəsi” Məscidində namaz qılanların sayı bir neçə dəfə artıb. Bu gün də namaza gələnlər məscidin içərisinə yerləşmədiyindən həyətdə toplaşıb, burada namaz qılıblar.

İnsanların təhlükəsizliyinin təminatı üçün məsciddən bir qədər aralıda polis əməkdaşları növbə çəkib. İnsanların bu axınından narahat olan məscid rəhbərliyi isə məscid divarlarına Cümə namazının qılınması üçün imkan daxilində Qaraçuxur, Mehdiabad və Ceyranbatanda olan məscidlərə getməyi tövsiyə edən elanlar yapışdırıb. APA-nın əməkdaşı bəzi müsəlman ölkələrinin səfirliklərinin əməkdaşlarının da məscidə baş çəkdiklərinin şahidi olub. Cümə namazı sakit şəkildə başa çatıb.

Məscidin imamı İbrahim Məmiş jurnalistlərə bildirib ki, məscid fəaliyyətini davam etdirəcək. Onun sözlərinə görə, məscidin sənədlərində bir sıra problemlər olub ki, onlar da aradan qaldırılacaq: “Biz Dini Qurumlarla İş üzrə Dövlət Komitəsinə müraciət etmişik. Bizim yalnız sərəncamımız yox idi, bu da düzələcək. Amma bura həddindən artıq insan gəlir. Buna görə də camaatımıza müraciət etdik ki, digər məscidlərə getsin. O qədər sıxlıq olur ki, namaz qılanda problem yaranır. Başqa məscidlərə getsələr, təhlükəsizlik və digər problemlər də aradan qalxar”.

İ. Məmiş onlara məscidin həyətində namaz qılınmağın qadağan olunması ilə bağlı hər hansı xəbərdarlığın olmadığını da deyib: “Bütün təhlükəsizlik tədbirləri həyata keçiriləcək. Biz polislə də danışırıq, onlar təhlükəsizliklə bağlı bütün addımları atırlar”.

“İlahiyyat”_məscid