Din

Ana səhifə

Din

Həcc ziyarəti üçün Azərbaycana ayrılan kvota 4 min nəfər azaldılıb - YENİLƏNİB

Həcc ziyarəti üçün Azərbaycana ayrılan kvota 4 min nəfər azaldılıb - <font color=red>YENİLƏNİB</font>

14 iyul 2009 10:43 (UTC +04:00)

APA-nın məlumatına görə, bu barədə Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə bu gün keçirdiyi mətbuat konfransında bildirib. Şeyx deyib ki, bu il zəvvarların 300-ü avtobusla, 1700-ü isə təyyarə ilə Həccə aparılacaq. Onun sözlərinə görə, Həccə gedənlərin bir hissəsi mənəvi cəhətdən ziyarətə hazır olmur, Həcc əməllərini düzgün yerinə yetirmir: “Biz onlar üçün kurslar təşkil etsək də, maraq göstərib gəlmirlər. Ona görə də dövlətlə məsləhətləşmələr apardıq. Belə qərara gəldik ki, öz potensialımız qədər - yəni, hər il 2 min nəfəri Həccə aparaq. Hələlik bu rəqəm dəyişməyəcək. Qiymətləri isə keçənilki kimi saxlamağı qərara almışıq. Zəvvarların verdiyi bütün sənədlər qəbul ediləcək. Kvota dolandan sonra yerdə qalan insanlar növbəti ilə ziyarətə aparılacaq. Bu təcrübə başqa ölkələrdə də var”.

A. Paşazadə deyib ki, müstəqilliyin ilk illərində olduqca az sayda, 10-15 nəfər Həccə gedirdisə, ötən il 5500 zəvvar ziyarətə aparılıb: “Bəzən müxtəlif dairələr başqa-başqa məqsədlə adamları Həccə aparır. Bu gün Azərbaycandan Həccə ziyarətinə gedən insanların real potensialı ildə 3 min nəfərdən artıq deyil. Bundan sonra Həcc missiyası yalnız Qafqaz Müsəlmanları İdarəsi tərəfindən həyata keçiriləcək. Başqa heç bir şirkətə icazə verilməyəcək. Ötən il bizim özəl şirkətlər ziyarətlə bağlı 30-40 min manat cərimələnib”.

Onun sözlərinə görə, dünyada yayılan A/H1N1 virusu ilə bağlı Həcc ziyarətinin təxirə salınacağı haqda şayiələr gəzsə də, hələlik bununla bağlı rəsmi qərar yoxdur: “Əgər Səudiyyə Ərəbistanı Krallığının rəsmi qərarı olacaqsa, buna baxılacaq. Bundan başqa, bu il Həccə gedən şəxslərə A/H1N1 virusuna qarşı peyvəndlər vurulacaq. Onu da əlavə edim ki, kvotanın aşağı salınmasında virus təhlükəsinin də rolu var”.

həcc