Din

Ana səhifə

Din

“Fatimeyi Zəhra” məscidinin sökülməsi barədə qərardan apellyasiya şikayəti veriləcək

23 sentyabr 2009 14:44 (UTC +04:00)

Bakı. Elnur Məmmədli - APA. “Fatimeyi Zəhra” məscidinin dini icmasının qadın üzvləri bu gün Heydər Əliyev Fondunda olublar. İcmanın sədri Tofiq Rəzizadə APA-ya bildirib ki, icma nümayəndələri fondun səlahiyyətli şəxsləri ilə görüşüb, məscidin sökülməsi haqqında məhkəmə qərarı barədə məlumat veriblər. İcma üzvləri məhkəmənin qərarından hazırlanan şikayət ərizəsini fond təmsilçilərinə təqdim ediblər.

T. Rəzizadə onu da qeyd edib ki, məscidin sökülməsi ilə bağlı 2 saylı Bakı Yerli İqtisad Məhkəməsinin qərarı artıq icmaya təqdim olunub. O, qanuna uyğun olaraq bir ay müddətində məhkəmənin qərarından apellyasiya şikayəti veriləcəyini deyib, hazırda şikayət ərizəsinin hazırlandığını bildirib.

İcma rəhbərliyi, həmçinin, Prezident Administrasiyası ictimai-siyasi şöbəsinin müdiri Əli Həsənovla görüşəcəklər. T. Rəzizadə bildirib ki, bununla bağlı Ə. Həsənova müraciət edilib və yaxın günlərdə görüş nəzərdə tutulur.

Qeyd edək ki, 2 saylı Bakı Yerli İqtisad Məhkəməsi Suraxanı rayon İcra Hakimiyyətinin Yeni Günəşli qəsəbəsi “v” massivi 33 ünvanında yerləşən “Fatmeyi Zəhra” məscidinin sökülməsi ilə bağlı iddiasını təmin edib. Məhkəmə qərarında məscidin sökülməsi və həmin ərazinin Suraxanı rayon İcra Hakimiyyətinin balansına verilməsi nəzərdə tutulur.

“Fatimeyi_Zəhra”