Din

Ana səhifə

Din

Allahşükür Paşazadə: “Azanla bağlı heç bir problem qalmayıb” - MÜSAHİBƏ

Allahşükür Paşazadə: “Azanla bağlı heç bir problem qalmayıb” - <font color=red>MÜSAHİBƏ</font>

24 noyabr 2009 14:57 (UTC +04:00)

Bakı. Elbrus Seyfullayev - APA. Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə APA-nın suallarını cavablandırıb

- Qarşıdan gələn Qurban bayramı ilə əlaqədar hansı tədbirlər həyata keçiriləcək?

- Qurban bayramı bütün məscidlərdə qeyd olunacaq. Biz bu müqəddəs bayramla bağlı xüsusi fətva hazırlayırıq. Bu fətva əsasında bizim Axundlarımız bayramı keçirəcəklər. Bayram namazları qılınacaq, insanlar öz yaxınlarını, qohumlarını ziyarət edəcəklər. İmkanı olan şəxslər qurban kəsib, imkansızlara paylamalıdırlar. Tövsiyə edirəm ki, Qurban ətini çox baha qiymətə satmasınlar. Xüsusən həmin günlərdə insanlar bir-birinə dost olmalı, ata-ana hörmətini saxlamalı, yetim-yesirə qayğı göstərməlidirlər.

- Qafqaz Müsəlmanları İdarəsi müsəlman təmayüllü dini icmalardan neçəsinə qeydiyyat üçün rəy verib?

- Bu proses davam edir. Demək olar ki, müraciət edənlərin əksəriyyətinə rəy vermişik. Onların sayı 350-400-ə yaxındır.

- Məlumatlara görə, Qamət Süleymanovun rəhbərlik etdiyi “Nərimanov rayon dindarları” Dini İcmasının təkrar qeydiyyata alınmasında problemlər var.

- Bu barədə məlumatım yoxdur. Hələlik onların müraciəti bizə daxil olmayıb. Nə vaxt müraciət edəcəklərsə, baxacağıq.

- Bundan sonra Azərbaycana Həcc ziyarətində iştirakla bağlı kvota necə müəyyənləşəcək? 2000 nəfərlik hədd qalacaqmı?

- Bu barədə danışmaq hələ tezdir. Builki Həcc başa çatsın, gələn ilkinə baxarıq.

- Azan verilməsində yaranan problemin tam aradan qalxdığını söyləmək olarmı?

- İndi bununla bağlı heç bir problem görmürük. İstənilən məsciddə azan verilir. İstəsəniz, “Təzə pir” məscidinə gəlib özünüz şahidi ola bilərsiniz...

allahşükür_paşazadə