Din

Ana səhifə

Din

Ayətullah Xameneyi Həcc mövsümü ilə əlaqədar müraciətlə çıxış edib

01 dekabr 2009 10:14 (UTC +04:00)

Bakı. Laçın Sultanova - APA. İran İslam İnqilabının rəhbəri Ayətullah Xameneyi Həcc mövsümü ilə əlaqədar müraciətlə çıxış edib. İranın Azərbaycandakı səfirliyindən APA-ya daxil olan müraciətdə Həccin mahiyyəti barədə İslam ümmətinin birliyə və həmrəyliyə ehtiyacından danışılır. Müraciətdə deyilir: «Bu gün düşmənlərin qanlı pəncəsi müsəlman torpaqlarının hər yerində aşkarcasına faciələr törətməkdədir. Fələstin, sionistlərin xəbis hökmranlığı altında günbəgün artan əzab və dərd içindədir. Əl-Əqsa məscidi ciddi təhlükə qarşısındadır. Qəzzənin məzlum əhalisi o misli görünməmiş soyqırımından sonra çox pis şəraitdə yaşayır. Əfqanıstan işğalçıların ayaqları altındadır və hər gün yeni müsibət yaşayır. İraqda mövcud sabitsizlik əhalini asayiş və rahat yaşamdan məhrum edib. Yəməndə törədilən qardaş qırğını növbəti dəfə İslam ümmətinin qəlbini dağladı. Bütün dünya müsəlmanları son illərdə İraqda, Əfqanıstanda və Pakistanda kor-koranə törədilən fitnə, savaş, partlayış və terror aktlarının necə və harada planlaşdırılması barədə ciddi düşünməlidirlər. Nəyə görə xalqlar Amerikanın başçılığı ilə qərb ordusunun bu regiona ağa kimi girişindən öncə belə müsibət və acıların şahidi olmurdular?”

Xameneyi müraciətində İslamı diz çökdürmək üçün imrerializmin bütün bacarığını səfərbər etdiyini vurğulayıb: “Buna hərbi güc, dəmir yumruq, aşkarcasına işğaldan tutmuş, şeytani təbliğat, yalan və şayiə yaymaq üçün minlərlə sistemlərdən istifadəyə qədər, terror və qətl dəstələrinin təşkilatlandırılmasından tutmuş, əxlaqsızlıq vasitələrinin genişləndirilməsi və narkotik maddələrin yayılması, gənclərin ruhiyyə və iradəsinin sındırılmasına qədər, müqavimət mərkəzlərinə hərtərəfli siyasi basqından tutmuş, etnik eqoizmin və firqə təəssübkeşliyinin aşılanması, qardaşlar arasında düşmənçiliyin yaradılmasına qədər olanları misal göstərmək olar. Müsəlman xalqları İslam firqələri və müsəlman etnoslar arasında sevgi, həmrəylik və anlaşma yaradarsa, düşmənin çox bəyəndiyi bədbinlik və bədgümanlığı üstələyib aradan qaldırarsa, bədxah qüvvələrin təxribatları və mənfi məqsədlərinin böyük bir hissəsi zərərsizləşdirilmiş, onların İslam ümməti üzərində günbəgün güclənən hakimiyyətinin qurulmasına yönələn pisniyyətli planları pozulmuş olar. Həcc bu ali məqsədlərə çatmaq üçün ən yaxşı fürsətdir”.

həcc