Din

Din

"Dövlət və Din" ictimai fikir toplusunun bu il sayca beşinci sayı işıq üzü görüb - FOTO

"Dövlət və Din" ictimai fikir toplusunun bu il sayca beşinci sayı işıq üzü görüb - <font color=red>FOTO</font>

26 oktyabr 2010 12:49 (UTC +04:00)

Bakı-APA. Azərbaycan Respublikası Dini Qurumlarla İş üzrə Dövlət Komitəsinin nəşri olan "Dövlət və Din" ictimai fikir toplusunun 2010-cu ildə 5-ci sayı işıq üzü görüb. Komitənin mətbuat xidmətindən APA-ya verilən məlumata görə, toplu Azərbaycan prezidenti İlham Əliyevin Ramazan bayramı münasibətilə Azərbaycan xalqına və Roş-Ha-Şana - Yeni il bayramı münasibətilə Azərbaycanın yəhudi icmasına təbriki ilə açılır. "Rəsmi guşə"də, həmçinin Prezident İlham Əliyevin müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərlərini qəbul etməsi, Şeyxülislam Allahşükür Paşazadənin Ramazan ayı münasibətilə təşkil etdiyi iftar mərasimində olması haqda məlumat verilib, dövlət başçısının iftar mərasimindəki nitqi geniş işıqlandırılıb.

Əvvəlkilərdən fərqli olaraq, bu sayda rus dilində iki məqalə verilib. Bunlar Vüqar Pənahovun "Sovremennoe primenenie printsipa samoopredeleniya narodov i natsiy" və Seyran Vəliyevin "O vremeni i meste vozniknoveniya Zoroastrizma" yazılarıdır.

"Azərbaycan gerçəkliyi" adlı ikinci bölmədə oxucular "Təktanrılıq - Dədə Qorqud dindarlığı", "Azərbaycan türkcəsində ilk Quran təfsiri", "Şahdağ xalqları: toy adətləri, yas mərasimləri", "Azərbaycan ədəbiyyatının əlyazma mətnlərində mərsiyə janrı" yazıları ilə tanış ola bilərlər.

"Cəmiyyət və din" rubrikasında Musa Quluzadənin "Sovet hakimiyyətinin Azərbaycanda dini ayinlərə və mərasimlərə qarşı mübarizəsi", Kamil Qurbanlının "Geopolitik maraqların həyata keçirilməsində din amili", Vasif Sadiqlinin "İlham nədir?", Səlahəddin Xəlilovun "İslam dünyasında elm: Şərq və Qərb dəyərləndirmələrində təzadlar" və s. yazılar yer alıb.

"Dövlət və Din"in ənənəvi rubrikalarından biri də "Abidələr"dir. Bu sayımızda oxucular "Əcaib-əd-dünya" ("Dünyanın qəribəlikləri") əsəri mühüm mənbə kimi" və "Sədr əş-Şəriə əs-Saninin əsərləri Əbdülqəni Nuxəvinin kolleksiyasında" məqalələri ilə tanış ola biləcəklər.

Toplunun ənənəvi "Tarixə pəncərə" bölməsində tarixi faktlara əsaslanan maraqlı yazılar oxucuların diqqətinə çatdırılmışdır. Bu mənada "Nəriman Nərimanovun milli ruhlu publisistikasına dair", "Svastika həqiqətləri" və "Həlak edilmiş qövmlər" başlıqlı məqalələrin oxucular tərəfindən maraqla qarşılanacaq.

"İslam həqiqətləri" rubrikası ilə Fərid Ələkbərlinin "Orta əsr İslam təbabəti daxili orqanların təmizlənməsi haqqında", Könül Bünyadzadənin "Ən yeni İslam fəlsəfəsində vəhdətçilər", Zəkiyyə Əbilovanın "İslamda qəbir həyatı" və s. yazılar dərc edilib.

Toplunun daimi və maraqlı bölmələrindən biri də "Əsrlər və şəxsiyyətlər"dir. Bu sayımızda oxucular Məhəmməd Əbdühün həyat və yaradıcılığı haqda məlumat alacaq, "Şəmsəddin Məhəmməd Cüveyni və Naxçıvan" məqaləsi ilə tanış ola biləcəklər.

"Dövlət və Din"in ənənəvi "Dinlər, təriqətlər, cərəyanlar və təlimlər" rubrikasında Sənan İbrahimovun "Manilik", Elnarə Kərimovanın "Səmavi dinlərdə günah anlayışı" və başqa yazılar yer alıb.

Toplunun bu sayında da ənənəvi olaraq dini terminlərin izahlı lüğətinin davamı dərc olunub.