Din

Ana səhifə

Din

Azərbaycanın Dini Qurumlarla İş üzrə Dövlət Komitəsinin sədri Küveytdə səfərdə olub – FOTO

Azərbaycanın Dini Qurumlarla İş üzrə Dövlət Komitəsinin sədri Küveytdə səfərdə olub – <font color=red>FOTO </font>

01 noyabr 2010 07:32 (UTC +04:00)

Bakı – APA. Oktyabrın 24-29-da Azərbaycanın Dini Qurumlarla İş üzrə Dövlət Komitəsinin sədri Hidayət Orucov Küveytdə səfərdə olub. Azərbaycanın Küveytdəki səfirliyindən APA-ya verilən məlumata görə, Küveyt baş nazirinin hüquq məsələləri üzrə müavini, ədliyyə naziri, vəqflər və islam işləri naziri Raşid Abdel Mohsen Əl-Hamadın dəvəti ilə həyata keçirilən səfər zamanı H. Orucovu Küveytin baş naziri Şeyx Nasir Əl-Məhəmməd Əl-Əhməd Əl-Sabah qəbul edib.

Əl-Sabah Azərbaycanın sürətli inkişafına Küveyt xalqının da səmimi qəlbdən sevindiyini söyləyib. O, Küveyt hökumətinin Azərbaycanla siyasi, iqtisadi və mədəni əlaqələrin daha da dərinləşdirilməsində maraqlı olduğunu deyib. H. Orucov qəbul üçün baş nazirə təşəkkürünü bildirərək iki ölkə arasında dostluq və qardaşlıq əlaqələrinin mövcudluğundan məmnuniyyətini dilə gətirib. O, Azərbaycanla Küveyti bir çox amilin birləşdirdiyini, bunların arasında dini birliyin əhəmiyyətli rol oynadığını vurğulayıb.

Səfər zamanı H. Orucov Küveyt baş nazirinin hüquq məsələləri üzrə müavini, ədliyyə naziri, vəqflər və islam işləri naziri Raşid Abdel Mohsen Əl-Hamad, nazirin din siyasəti üzrə müavini doktor Adel Fəllah, Küveytin Vəqflər üzrə Dövlət Komitəsinin sədrinin səlahiyyətlərini müvəqqəti icra edən xanım İman Humeyda, Beynəlxalq İslam Xeyriyyə Təşkilatının İdarə Heyətinin sədri Abdullah Mətuq və həmin təşkilatın baş direktoru Süleyman Şəmsəddin və eyni zamanda Küveyt Millət Məclisinin (parlament) Küveyt-Azərbaycan Dostluq Qrupunun sədri Vəlid Musaid Əl-Tabtabai ilə də görüşüb. O, Küveytin Elmi Mərkəzində olub, Məscid-Əl Kəbiri ziyarət edib, Küveytin aparıcı kütləvi informasiya vasitələrinin nümayəndələri ilə görüşüb.

hidayət_orucov