Din

Ana səhifə

Din

Qafqaz Müsəlmanları İdarəsi orta məktəblərdə dini dərclərin tədris olunması təklifi ilə çıxış edib

29 sentyabr 2011 11:36 (UTC +04:00)

Bakı. Viktoriya Dementyeva-APA. “Orta məktəb proqramlarına dinlə bağlı fənnin daxil edilməsi çox xeyirli olardı”. APA-nın məlumatına görə, bu açıqlamanı jurnalistlərə Qafqaz Müsəlmanları İdarəsi sədrinin müavini Hacı Sabir Həsənli verib.

O fikrini əsaslandırmaq üçün Rusiyanı misal çəkib: “Rusiyanın 19 vilayətində orta məktəblərdə din dərsləri keçirilir, bu fənni tədris etmək üçün kadrlar hazırlanır. Bakı məktəblərindən birində də belə bir eksperiment keçirmək olar. Görək necə effekt verəcək. Hesab edirəm ki, belə dərslər faydalı ola bilər. Başqa ölkələrdə də belə addımlar atılır. Düşünürəm ki, Azərbaycan gec-tez bu istiqamətdə addım atacaq”.

Hacı Sabir deyib ki, söhbət məktəblərdə namaz qılmaqdan deyil, uşaqlara din haqqında ümumi məlumat verməkdən, təkcə islam dini deyil, digər dini cərəyanlar barədə məlumatlandırmaqdan gedir.