Din

Ana səhifə

Din

Məhkəmə “Yeddinci Günün Adventistləri” dini icmasının Daşınmaz Əmlakın Dövlət Reyestri Xidmətinə qarşı iddiasını təmin etməyib

03 may 2012 10:42 (UTC +04:00)

Bakı. Şəhriyar Əlizadə - APA. 1 saylı Bakı İnzibati-İqtisad Məhkəməsində “Yeddinci Günün Adventistləri” dini icmasının Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin Bakı Şəhər Ərazi İdarəsinə qarşı qaldırdığı iddia əsasında məhkəmə prosesi başa çatıb. APA-nın məlumatına görə, icmanın iddiası təmin olunmayıb. Məhkəmə qərarından Bakı Apellyasiya Məhkəməsinə apellyasiya şikayəti verilib.

Qeyd edək ki, icma dövlət reyestrindən çıxarışın verilməsi vəzifəsinin cavabdehə həvalə edilməsi barədə iddia ərizəsi ilə məhkəməyə müraciət edib.
“Yeddinci Günün Adventistləri” dini icması 1863-cü ildə yaradılıb. Dünyanın 200-dən yuxarı ölkəsinə yayılan və sayı 15 milyona çatan icma üzvləri protestant olduqlarından bu xristian məzhəbinə məxsus özəllikləri özlərində daşıyırlar. Onlar şənbə günü toplaşaraq, dini mövzulu nəğmələr oxuyur, moizə dinləyir və “İncil”i öyrənirlər.
Azərbaycanda adventizmin yayılma tarixi isə XIX əsrə təsadüf edir.

din