Din

Ana səhifə

Din

Bakıda “Şəms Təbrizidən Mövlanəyə : İrfan xəzinəsində Azərbaycan izləri” mövzusunda elmi konfrans keçirilib - FOTO

Bakıda “Şəms Təbrizidən Mövlanəyə : İrfan xəzinəsində Azərbaycan izləri” mövzusunda elmi konfrans keçirilib - <font color=red>FOTO</font>

01 avqust 2012 15:14 (UTC +04:00)

Bakı-APA. Beynəlxalq Mətbuat Mərkəzində “Avrasiya Beynəlxalq Araşdırmalar İnstitutu” İctimai Birliyinin təşkilatçılığı və İslam Kofransı Gənclər Forumunun təşkilatçı dəstəyi ilə “Şəms Təbrizidən Mövlanayadək : İrfan xəzinəsində Azərbaycan izləri” mövzsunda elmi konfrans keçirilib.

APA-nın məlumatına görə, konfransda Dini Qurumlarla iş üzrə Dövlət Komitəsinin sədri Elşad İsgəndərov, “Avrasiya Beynəlxalq Araşdırmalar İnstitutu” İctimai Birliyinin, millət vəkili sədri Qənirə Paşayeva, ziyalılar və mətbuat nümayəndələri iştirak ediblər.

Dini Qurumlarla iş üzrə Dövlət Komitəsinin sədri Elşad İskəndərov çıxış edərək İslam mədəniyyətinin bir nümunəsi olan İrfan mədəni irsinə Azərbaycan alim və mütəfəkkirlərinin verdiyi töhfələrdən danışıb və bu gün də həmin irsin dərindən öyrənilməsinin zəruri olduğunu qeyd edib. İsgəndərov bildirib ki, həmin şəxslər təkcə elmin, ədəbiyyatın deyil, eyni zamanda islamın inkişafında qabaqcıl olan şəxslərdir.

Daha sonra söz “Avrasiya Beynəlxalq Araşdırmalar İnstitutu” İctimai Birliyinin sədri, millət vəkili Qənirə Paşayevaya verilib. Millət vəkili sözə irfan və təsəvvüf tarixinin, ədəbiyyatının daha geniş şəkildə təbliğata ehtiyacı olduğunu vurğulamaqla başlayıb. Onun sözlərinə görə, azərbaycanlı və türk irfan alimlərinin islamın inkişafında özünəməxsusu yeri olub. Qənirə Paşayeva Şəms Təbrizi, Cəlaləddin Rumi, Şirvani, Bakuvi kimi irfan alimlərinin rolunu xüsusi qeyd edib.

Tədbirdə çıxış edən ilahiyyatçı alim, akademik Vasim Məmmədəliyev bildirib ki, qloballaşan dünyamızda islamın inkişafında Mövlanənin əsərlərinə xüsusi ehtiyac var.

O deyib ki, Fars körfəzi müharibəsi zamanı amerikan ordusunun yüksək rütbəli zabitlərinin islamı qəbul etməsində "Qurani -Kərim"lə yanaşı Ruminin "Məsnəvi"sinin müstəsna rolu olub.

Sonra Türkiyədən dəvət olunmuş yazar professor Camalnur Sarqut, BDU-nun ilahiyyat fakültəsi dekanı professor Vasim Məmmədəliyev, Türkiyə Cümhuriyyətinin dini işlər üzrə müşaviri Sadıq Ərarslan, AR Dini Araşdırmalar Mərkəzinin icraçı direktoru Natiq Rəhimov və başqaları məruzələrlə çıxış ediblər.