Din

Ana səhifə

Din

“Qısa İslam Ensiklopediyası: İslama dair 1001 termin və xüsusi ad” üç cildlik ensiklopediyanın 1-ci cildinin təqdimatı keçirilib – FOTOSESSİYA

“Qısa İslam Ensiklopediyası: İslama dair 1001 termin və xüsusi ad” üç cildlik ensiklopediyanın 1-ci cildinin təqdimatı keçirilib – <font color=red>FOTOSESSİYA</font>

07 avqust 2012 15:22 (UTC +04:00)

APA-nın məlumatına görə, ensiklopediya İslam Konfransı Gənclər Forumunun sifarişi və dəstəyi ilə Dini Araşdırmalar Mərkəzi tərəfindən 2011-ci ildə hazırlanıb.

Avrasiya Regional Mərkəzinin rəhbəri Hacı Elçin Əsgərov deyib ki, adıçəkilən ensiklopediya digər ölkələrlə müqayisədə tərcümə yolu ilə deyil, tam şəkildə yenidən işlənib hazırlanıb. Nəşr hazırlanarkən Azərbaycan reallıqlarını, tarixən mövcud olmuş dini ənənələri nəzərə alınaraq yazılıb.

Dini Araşdırmalar Mərkəzinin icraçı direktoru Natiq Rəhimov bildirib ki, ensiklopediya ilkin olaraq 2 cilddə hazırlanıb. Birinci cilddə yalnız İslama aid əsas terminlər əks olunub, 2-ci cildə isə ilk səhabələrin adları və İslam tarixinə aid bəzi digər xüsusi adlar daxil edilib. Birinci iki cilddə 1001 termin və xüsusi ad əhatə olunub. Sonradan ensiklopediyaya 3-cü cildə əlavə edilib ki, burada İslam tarixində mövcud olan cərəyanlar, fikir məktəbləri, səhabələrdən sonrakı dövrdə yaşamış böyük alimlər haqda məlumat verilir.

Təqdimatda Dini Qurumlarla İş üzrə Dövlət Komitəsinin sədri Elşad İskəndərov da çıxış edərək, ensiklopediyanın əhəmiyyəti haqda danışıb. E. İskəndərov bu ədəbiyyatın daha çox ölkə daxilində, yerli müəlliflər tərəfindən yazılmasının əhəmiyyətini vurğulayıb. O, dini ictimaiyyəti xaricdə nəşr olunmuş ədəbiyyatın tərcüməsi ilə kifayətlənməməyə, yerli müəllifləri İslam haqda kitab yazmağa dəvət edib.

Milli Məclisin deputatı Qənirə Paşayeva ensiklopediyanın əhəmiyyətindən danışaraq bu cür tədbirlərin davam etdirilməsinin zəruriliyini vurğulayıb.

Ensiklopediya