Həcc ziyarəti üçün Azərbaycana 6 min yer ayrılıb
22 may 2007 11:37 (UTC +04:00)
Bu il 6 min azərbaycanlı zəvvar Həcc ziyarəti həyata keçirə biləcək. Bunu Səudiyyə Ərəbistanından dünən qayıtmış Qafqaz Müsəlmanları İdarəsinin sədri, şeyxülislam Hacı Allahşükür Paşazadə APA-nın sualını cavablandırarkən deyib. O bildirib ki, Azərbaycanın əhalisi 8 milyondan artıq olduğu üçün 8 mindən çox kvota ayrıla bilər. Keçən il Azərbaycana 4500 yer ayrılsa da, 4300 nəfərin Həcc ziyarətinə getdiyini xatırladan şeyxülislamın sözlərinə görə, bu il getmək istəyənlərin sayı çox olarsa, kvotanı artırmaq imkanı var. A. Paşazadə Azərbaycan zəvvarlarının Bakıdan birbaşa Mədinəyə uçması üçün Səudiyyə Ərəbistanında bir aviaşirkətlə razılıq əldə etdiyini, hətta biletlərin 25-30 faizinin haqqını ödədiklərini açıqlayıb. Zəvvarlar birbaşa Mədinəyə gedib, oradan Bakıya qayıdaraq Ciddədə ortaya çıxan çətinliklərlə üzləşməyəcəklər. Bu il zəvvarlar üçün çox yaxşı şərait yaradılacağını vurğulayan şeyxülislam bildirib ki, onun özü heç zaman bu cür şəraitdə Həcc ziyarəti həyata keçirməyib. /APA/
Din
Bakı və Azərbaycan Yeparxiyasının yeni yepiskopu seçilib
22:35
30 may 2024
Beynəlxalq humanitar minatəmizləmə konfransının iştirakçıları Zəngilan məscidində olublar - FOTO
14:00
30 may 2024
Azərbaycandan Həcc ziyarəti üçün sənəd qəbulu başa çatıb, ilk uçuş iyunun 4-də olacaq
10:26
29 may 2024
Otuz il sonra oxunan azan, ağac-ağac, kənd-kənd xatırlanan yurd - Zəngilandan REPORTAJ
13:54
23 may 2024