Din

Ana səhifə

Din

Şeyxülislam Allahşükür Paşazadə beynəlxalq konfransda iştirak edib

20 iyun 2007 13:50 (UTC +04:00)

İspaniyanın Kordova şəhərində “Sivilizasiyaların həmrəyliyi sülh uğrunda həmrəylikdir” mövzusunda beynəlxalq konfrans keçirilib. Dünyanın nüfuzlu din xadimlərinin bir araya gəldiyi tədbirə Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə və idarənin Elmi-Dini Şurasının sədri Vasim Məmmədəliyev də qatılıblar. QMİ-dən APA-ya daxil olan məlumata görə, Dünya İslam Xalq Rəhbərliyi təşkilatının keçirdiyi toplantıda A. Paşazadə məruzə ilə çıxış edib. O, məruzəsində islam dünyasını narahat edən problemlərdən, xüsusən də Dağlıq Qarabağ münaqişəsindən və onun ədalətli həllinin vacibliyindən, habelə taleyüklü məsələlərin çözülməsində müsəlmanların birliyinin əvəzolunmaz rolundan bəhs edib. Şeyxülislam konfransda iştirak edən dövlətləri Azərbaycanı haqq işi uğrunda mübarizəsində sonadək dəstəkləməyə və qətiyyətli mövqe nümayiş etdirməyə çağırıb. A. Paşazadənin çıxışı böyük rəğbətlə qarşılanıb və onun məruzəsinin əsas müddəaları yekun sənədə daxil edilib. /APA/