Din

Ana səhifə

Din

Bakı kəndlərindən 40-a qədər dindar İraqın Kərbəla və Nəcəf şəhərlərinə gedib

26 iyun 2007 09:48 (UTC +04:00)

Ziyarətçilər arasında olan Binəqədi kəndinin sakini Ziya Aslanovun APA-ya verdiyi məlumata görə, səfəri İraqın “Əl-İraq” şirkəti təşkil edib. Qafqaz Müsəlmanları İdarəsinin Kərbəla ziyarətini bərpa etmədiyini bildirən Z. Aslanov bütün sənədləşmə işlərinin “Əl-İraq” şirkəti tərəfindən hazırlandığını və İraqın Bakıdakı səfirliyindən viza alındığını bildirib. O, bu şirkətin əvvəllər də Kərbəla ziyarəti təşkil etdiyini bildirib. Z. Aslanov ziyarətçilərin ümumilikdə 9 gün İraqda qalmaq icazəsinin olduğunu deyib: “Amma biz 6 günə Kərbəla və Nəcəf ziyarətini yekunlaşdırmaq fikrindəyik”. Avtobusla ziyarətə gedənləri İranın Mehran şəhərində “Əl-İraq” şirkətinin təmsilçiləri qarşılayacaq və İraq sərhəddini keçəcəklər. Z. Aslanov ziyarətçilərin təhlükəsizliyinə təminat verildiyini, bu işin şirkət tərəfindən həyata keçirələcəyini deyib: “Biz Qafqaz Müsəlmanları İdarəsinin Kərbəla ziyarətini yenidən bərpa etməsini istəyirik. Çünki Azərbaycanın çox yerində xarici ölkələrin şirkətlərinin belə ziyarətlər təşkil etdiyini bilmirlər. Ona görə də ziyarətçilərin sayı az olur”.
Qeyd edək ki, ziyarətçilər artıq İran ərazisindədir. /APA/