Din

Din

Şeyxülislam Belarus prezidenti ilə görüşdə iştirak edib

27 oktyabr 2007 12:02 (UTC +04:00)

Qəbulda konfransın işində iştirak etmək üçün Minskdə olan Qafqaz Müsəlmanları İdarəsinin sədri Şeyxülislam Allahşükür Paşazadə də iştirak edib. APA-nın “Belta” agentliyinə istinadən verdiyi məlumata görə, görüşdə prezident Belarus xalqının insanlar arasında ayrı-seçkilik salmağa yönəlmiş ideologiya və baxışların bütün təzahürlərinə qarşı möhkəm immunitetə malik olduğunu söyləyib. Onun sözlərinə görə, Belarusu dini və milli əlamətlərə görə hansısa ayrı-seçkilikdə günahlandırmaq cəhdləri absurddur.
Şeyxülislam Hacı Allahşükür Paşazadə isə çıxışında Belarusda insanların dil və dinlərindən asılı olmayaraq, özlərini tam bərabər hiss etdiklərini müşahidə etdiyini deyib: “Nifaq və terrorizmi alovlandırmaq məqsədi ilə dini bayraqdan istifadə etmək cəhdlərinin qarşısını almaqda həmişə sizə yardım etməyə hazırıq”.
Görüşdə Şeyx Belarus prezidentinə müqəddəs Quranın rus dilinə tərcümə olunmuş beşcildli nəşrini və prezident İlham Əliyevin adından Bakının əksi olan rəsm əsərini təqdim edib. /APA/