Din

Din

Allahşükür Paşazadə: “İslam dininin adından istifadə edən təxribatçı məzhəblərin ifşa olunmasına çalışmalıyıq”

16 noyabr 2007 11:44 (UTC +04:00)

“Bəzi radikal dini təriqətlərin nümayəndələri illərlə şiə məscidində, sünni məscidində namaz qılan insanları çıxarırlar ki, burada mən olmalıyam. Vəhhabilər, nurçular və digər təriqətlər belə addımları ilə islam adına ləkə gətirir”. APA-nın məlumatına görə, bu sözləri Qafqaz Müsəlmanları İdarəsinin sədri, şeyxülislam Allahşükür Paşazadə Beynəlxalq Tolerantlıq Günü münasibətilə “Tolerantlıq örnəyi Azərbaycan” mövzusunda keçirilən konfransda çıxışında deyib. O bildirib ki, belə hallar müsəlmanlığa uyğun gəlmir: “Biz - islam dinini təlqin edənlər - bununla heç cür razılaşa bilmərik. İslam dininin adından istifadə edən və bizə qarşı təxribat aparan məzhəblərin ifşa olunmasına çalışmalıyıq. Bu işi aparmasaq, Allah bizi bağışlamaz. Amma bu işi o dərəcəyə gətirməməliyik ki, qarşıdurmalar yaransın. Dövlət bizim fikirlərimizlə razıdır və sərt addımlar dövlətin işidir. Dövlətin bunlarla bağlı öz siyasəti var”. /APA/