Din

Din

Komitə sədri: “Azərbaycanda bəzi dini qurumlar dövlətin konstitusion quruluşuna qarşı itaətsizlik göstərilməsinə və hakimiyyətin zorla dəyişdirilməsinə çağırışlar edir”

30 yanvar 2008 11:10 (UTC +04:00)

Komitə sədri deyib ki, dindən siyasi məqsədlər üçün istifadə heç bir ölkəyə və cəmiyyətə uğur gətirməyib. Belə ölkələrdə ictimai-siyasi sabitlik və vətəndaş sülhü pozulub: “Azərbaycanda dövlət səviyyəsində insan hüquq və azadlıqlarının bərqərar olmasına, insanların əqidə seçməsinə, milli-mənəvi dəyələrin qorunmasına böyük əhəmiyyət verilir. Dinin dövlətdən ayrı olması sosial-ideoloji maliyyət daşıyır. Bəzi dini icmalar “Din dövlətdən ayrıdır” maddəsini səhv başa düşür. Hesab edilir ki, bu, dövlətin heç bir halda dini qurumların işinə müdaxilə etməməsi deməkdir. Bu isə yanlışdır. Bəzi dini təşkilatlar “Dinə etiqad azadlığı haqqında” qanunun müddəalarını pozaraq, dini dözümsüzlük təbliğ edir. Həmin qurumlar dövlətin konstitusion quruluşuna qarşı itaətsizlik göstərilməsinə və hakimiyyətin zorla dəyişdirilməsinə çağırışlar edir”. Komitə sədrinin sözlərinə görə, dövlət komitəsi ilə dini qurumlar arasında qarşılıqlı anlaşma münasibətləri qurulmalıdır. /APA/