İşğaldan azad edilmiş ərazilərdəki məscidlər də bərpa edilərək fəaliyyətini tam bərpa edəndən sonra, yəqin ki, ianələrlə bağlı müəyyən tədbirlər görüləcək.
APA xəbər verir ki, bunu Dini Qurumlarla İş üzrə Dövlət Komitəsi sədrinin birinci müavini Səyyad Salahlı deyib.
Sədr müavini bu tədbirlərdən sonra özbaşına sərfiyyatın qarşısının alınacağına inandığını deyib:
"Bütün bu tədbirlər, hesab edirəm ki, dini ianələrin də özbaşına sərf olunması və dağıdılmasının qarşısını alacaq. Bundan sonra həmin vəsaitlər məqsədəuyğun şəkildə istifadə olunacaq", o deyib.