Hadisə

Ana səhifə

Hadisə

Cəlilabadda iki maşın toqquşub, bir nəfər ölüb, 5 nəfər xəsarət alıb- FOTO - YENİLƏNİB

14 dekabr 2023 12:45 (UTC +04:00)

Cəlilabadda baş verən qəzada 1 nəfər ölüb, 5 nəfər xəsarət alıb.

APA - nın cənub bürosunun verdiyi xəbərə görə, Cəlilabad rayonunun Alar kəndi ərazisində baş verən qəzada Biləsuvar rayonunun Xırmandalı kənd sakini, 1991-ci il təvəllüdlü Xosrov Xanverdi oğlu Cəfərli ölüb. Qəza nəticəsində 1987-ci il təvəllüdlü Ülkər Səmədova, 1964-cü il təvəllüdlü Zemfira Ağayeva, 1986-cı il təvəllüdlü Rəşad Rzayev, 1993-cü il təvəllüdlü Şövqi Qasımlı və Mehrac Qəhrəmanov xəsarət alıblar.

Onlardan ikisinin vəziyyətinin ağır olduğu bildirilir.

***

10.23

Cəlilabadda ağır yol-nəqliyyat hadisəsi baş verib.

APA-nın cənub bürosunun verdiyi məlumata görə, hadisə köhnə Ələt-Astara magistralında, Cəlilabad rayonunun Alar kəndi ərazisində qeydə alınıb. Hərəkətdə olan "Mitsubishi" markalı minik avtomobili "VAZ-2107" markalı minik avtomobili ilə toqquşub. İlkin məlumata görə, toqquşma nəticəsində ölən və xəsarət alanlar var. Xəsarət alanlar rayon xəstəxanasına çatdırılıblar.

Faktla bağlı araşdırma aparılır.