Masallıda yol nəqliyyat hadisəsi baş verib.
APA - nın cənub bürosunun verdiyi məlumata görə, hadisə səhər saatlarında rayonun Sərçuvar kəndi ərazisində qeydə alınıb. Lerik - Bakı istiqamətində, Ələt-Astara magistralında hərəkətdə olan "Mercedes VİTO" markalı minik avtomobili qəzaya uğrayıb. Qəza nəticəsində 4 nəfər müxtəlif dərəcəli bədən xəsarətləri alaraq Masallı rayon mərkəzi xəstəxanasına çatdırılıblar.
Masallı rayon mərkəzi xəstəxanasından APA - ya bildirilib ki, 04.04.2024 il, saat 07:40 tarixdə avtoqəza nəticəsində xəsarət alan 4 nəfər - 1953 - cü il təvəllüdlü Mirzəyeva Gülxar Əzizan qızı, 1964 - cü il təvəllüdlü Sucayeva Gülnisə Seyid qızı, 1979 - cu il təvəllüdlü Zülifiyev Dilqəm Akif oğlu və 1998 - ci il təvəllüdlü Həsənzadə Elçin Alışan oğlu xəstəxanaya qəbul olunublar. Elçin Həsənzadəyə yardım olunduqdan sonra digər xəstəxanaya təxliyə olunub. Dilqəm Zülfiyevin müalicəsi isə reanimasiya şöbəsində davam etdirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
