Ödənişli yolda qəza olub, ölənlər var - FOTO - YENİLƏNİB-1

Ödənişli yolda qəza olub, ölənlər var - FOTO  - YENİLƏNİB-1
# 28 noyabr 2023 22:31 (UTC +04:00)

TƏBİB ödənişli yolda 2 nəfərin ölümü ilə baş verən yol qəzası ilə bağlı açıqlama yayıb.

Qurumdan APA-ya bildirilib ki, 1964-cü il təvəllüdlü vətəndaş 28.11.2023-cü il tarixində saat 19:00 radələrində Xaçmaz Rayon Mərkəzi Xəstəxanasının Təcili tibbi yardım şöbəsinə yerləşdirilib. Vəziyyəti ağır olan pasiyentə qapalı kəllə-beyin travması, baş beynin silkələnməsi, qarnın küt travması, qabırğaların çoxsaylı sınıqları diaqnozu qoyulub. Həkimlərin səylərinə baxmayaraq pasiyent saat 20:39 radələrində vəfat edib.

***

21.13

Ödənişli yolda “Nissan Xtrail”in aşması nəticəsində xəsarət alan 59 yaşlı Xalis Babayev Xaçmaz rayon Mərkəzi Xəstəxanasında dünyasını dəyişib.

APA-nın Şimal bürosu xəbər verir ki, həkimlərin səyinə baxmayaraq, onu həyatını xilas etmək mümkün olmayıb.

***

20.39

Bakı-Quba-Rusiya Federasiyası sərhədi ödənişli magistralın Xaçmaz rayonu ərazisindən keçən hissəsində ağır yol-nəqliyyat hadisəsi baş verib.

APA-nın Şimal bürosu xəbər verir ki, Nissan Xtrail markalı avtomobil idarəetmədən çıxaraq aşıb. Qəza zamanı 55 yaşlı Təranə Babayeva hadisə yerində ölüb. 59 yaşlı Xalis Babayev isə, müxtəlif dərəcəli xəsarətlər alıb. O, xəstəxanaya yerləşdirilib.

Qəzanın baş verməsinə ilkin səbəb kimi yüksək sürət göstərilir.

Faktla bağlı araşdırma aparılır.

#
#

ƏMƏLİYYAT İCRA OLUNUR