Salyan sakini boynundan bıçaqlanıb - YENİLƏNİB

Salyan sakini boynundan bıçaqlanıb - YENİLƏNİB
# 07 dekabr 2023 12:38 (UTC +04:00)

Salyanda həmkəndlisini bıçaqlayan şəxs saxlanılıb.

DİN-in mətbuat xidmətinin Şirvan regional qrupundan APA-nın Mil-Muğan bürosuna bildirilib ki, dekabrın 7-də saat 5 radələrində Salyan rayonunun Pambıqkənd kənd sakini Şamxal Babayev aralarında yaranmış mübahisə zəminində həmkəndlisi Famil Xəlilova xəsarət yetirib.

Ş.Babayev törətdiyi cinayət əməlindən sonra polis əməkdaşları tərəfindən saxlanılıb.

Faktla bağlı araşdırma aparılır.

***

04.26

Salyan sakini bıçaqlanıb.

APA-nın Mil-Muğan bürosunun məlumatına görə, Salyan rayonunun Təzəkənd kənd sakini, 1981-ci il təvəllüdlü Xəlilov Famil Qalib oğlu boyun nahiyəsindən bıçaqlanıb.

F.Xəlilov boyun nahiyəsinin kəsilmiş xəsarəti ilə Şirvan şəhər xəstəxanasına çatdırılıb. Onun tanışı tərəfindən aralarında yaranmış mübahisə zəminində bıçaqlandığı bildirilir.

#
#

ƏMƏLİYYAT İCRA OLUNUR