Ukraynanın dövlət suverenliyi və ərazi bütövlüyünün müdafiəsi uğrunda həlak olan Azərbaycan əsilli hərbçinin təltif olunduğu orden Bakıda onun ailəsinə təqdim olunub.
APA xəbər verir ki, bu barədə Ukraynanın Azərbaycandakı səfiri Vladislav Kanevski "Facebook" hesabında paylaşım edib.
"Ukrayna öz Qəhrəmanlarını xatırlayır və onları yad edir!
Ukraynanın dövlət suverenliyi və ərazi bütövlüyünün müdafiəsində göstərdiyi şəxsi şücaət və fədakar hərəkətlərə görə Səid Vasif oğlu Hüseynov (ölümündən sonra) “Şərəf nişanı” - “Obolon legionu” ordeni ilə təltif edilib.
Qəhrəmanımızın ordeni Ukraynadan Azərbaycana gətirilərək Ukraynanın Azərbaycan Respublikasındakı Səfirliyində Səid Hüseynovun yaxınlarına təhvil verilib.
Qəhrəmanlar ölməz! Qəhrəmanların xatirəsi əbədidir!", - ukraynalı diplomatın paylaşımında qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
