Maliyyə

Ana səhifə

Maliyyə

Milli Büdcə Qrupu ötən ilin büdcəsinin icrasına dair hökumətin hesabatına hazırladığı rəyi açıqlayıb

16 iyul 2010 11:12 (UTC +04:00)

Bakı. Elnur Hüseynquluyev - APA-Econonmics. Bu gün Bakıda Azərbaycanın 2009-cu il dövlət büdcəsinin icrasına dair hökumətin hesabatına Milli Büdcə Qrupunun (MBQ) hazırladığı rəylə bağlı dəyirmi masa keçirilib.

«APA-Economics»n məlumatına görə, qrupun hazırladığı rəydə 2009-cu ildə dövlət büdcəsinin icrası qlobal iqtisadi böhran şəraitində baş verdiyini və bu səbəbdən bütövlüklə böhranın neqativ təsirlərini özündə əks etdirildiyi göstərilib.

Ekspertlər Qubad İbadoğlu və İnqilab Əhmədov büdcə gəlirləri və xərcləri, büdcə kəsiri, Dövlət borcu, Büdcə prosesi proseduralarına əməl edilməsi ilə bağlı maraqlı qənaətlərə gəlib və müvafiq təkliflər irəli sürüb.

Təkliflərə əsasən, dövlət büdcəsinin icrasına dair illik hesabata yerli gəlir və xərclər üzrə proqnozlaşdırılan və icra olunan göstəricilərə dair məlumatlar (müqayisəli şəkildə) əlavə olunmalıdır. Həmçinin hər bir investisiya layihəsi üzrə proqnoz və faktiki məbləğlər, icraçı və podratçı təşkilatlar göstərilməklə icra olunmuş investisiya layihələrinin tam siyahısı qeyd olunmalıdır. Eyni zamanda büdcə fondlarının gəlirlərinin həcmi və növləri, xərclərinin həcmi və istiqamətləri barədə əlavələr olunmalıdır. Bununla yanaşı, təklifdə büdcədənkənar gəlirlərin ümumi həcmini, mənbələr və təşkilatlar üzrə məbləğini əks etdirən proqnoz və icra göstəricilərinin müqayisəsinə dair məlumatların vacibliyi vurğulanıb.