Bakı. Turan Şakir – APA. Akademik Milli Dram Teatrı Uşaqların Beynəlxalq Müdafiəsi Günü münasibətilə 1-2 iyun tarixlərində uşaq tamaşaları nümayiş etdirəcək. Teatrdan APA-ya verilən məlumata görə, Abdulla Şaiqin əsəri əsasında hazırlanmış “Danışan gəlinciyin Tıq-tıq xanım nağılı” və S.S.Axundovun “Qaraca qız” tamaşası nümayiş olunacaq. Hər iki tamaşanın quruluşçu rejissoru Loğman Kərimovdur.
Teatr koloritli kostyumlar, maraqlı aktyor ifası ilə zəngin nağıl-tamaşalarla uşaqların bayramını daha da maraqlı etməyə, yeni uşaq tamaşaları ilə balaca tamaşaçılarını sevindirməyə çalışacaq.