Bakı. Xanım Nağıyeva - APA. İyunun 3-6-da Rusiya Federasiyasının Tatarıstan Respublikasının Kazan şəhərində “Naurus 2013” 11-ci beynəlxalq teatr festivalı keçiriləcək. APA-nın məlumatına görə, festivalda Şuşa Dövlət Musiqili Dram Teatrı "Sərgüzəşti-vəziri-xani-Lənkəran" tamaşası ilə çıxış edəcək. Tamaşanın quruluşçu rejissoru əməkdar artist Loğman Kərimovdur.
Beynəlxalq festivalda Tatarıstandan 7 və Rusiyanın digər türkdili regionlarından 19 teatrın iştirakı gözlənilir. Festivala Türkiyə, Qazaxıstan, Türkmənistan və başqa ölkə teatrları da qatılacaq.
Kollektivlər tamaşaları doğma dillərində oynayacaq.