Mədəniyyət siyasəti

Mədəniyyət siyasəti

Türkiyənin İğdır vilayətində “Azərbaycan-Türkiyə Kültür Gecəsi” keçirilib - FOTOSESSİYA

Türkiyənin İğdır vilayətində “Azərbaycan-Türkiyə Kültür Gecəsi” keçirilib - <span style="color: red;">FOTOSESSİYA

08 avqust 2013 15:45 (UTC +04:00)

Bakı – APA. Türkiyənin İğdır vilayətində millət vəkili Qənirə Paşayevanın rəhbərlik etdiyi Avrasiya Beynəlxalq Araşdırmalar İnstitutu və İğdırda fəaliyyət göstərən İğdır Gənc Girişimçilər Qurulunun təşkilatçılığı ilə Ramazan bayramı münasibətilə “Azərbaycan-Türkiyə Kültür Gecəsi” keçirilib.

APA-nın xəbərinə görə, tədbir Avrasiya Beynəlxalq Araşdırmalar İnstitutunun həyata keçirdiyi “Qarabağdan Anadoluya könül körpüsü” layihəsi çərçivəsində baş tutub.

İğdırlılar tərəfindən böyük maraq və sevgi ilə qarşılanan və çoxlu sayda insanın iştirak etdiyi gecənin açılış mərasiminin açılışında İğdır Gənc Girişimçilər Qurulunun başqanı Nizaməddin Taşbağ və millət vəkili, Avrasiya Beynəlxalq Araşdırmalar İnstitutunun rəhbəri Qənirə Paşayeva çıxış edərək hamını müqəddəs Ramazan bayramı münasibətilə təbrik ediblər.

“Azərbaycan-Türkiyə Kültür Gecəsi”ndə Azərbaycanın əməkdar artisti Aybəniz Haşımova, onun rəhbərlik etdiyi “Bülbüllər” qrupu və gənc ifaçı Aynişan Quliyeva geniş konsert proqramı ilə iğdırlılar qarşısında çıxış ediblər. Konsert proqramı iğdırlıların istəyi ilə gecənin gec saatlarına qədər davam edib. Məşhur pianoçu Natiq Rzazadənin rəhbərlik etdiyi musiqiçilər qrupunun ifaları iğdırlılar tərəfindən böyük alqışlar qazanıb.