Bakı. Yeganə Laçınzadə - APA-Economics. Azərbaycan Mərkəzi Bankı (AMB) manatın bu günə olan rəsmi məzənnəsini açıqlayıb.
AMB-dən “APA-Economics”ə verilən məlumata görə, ABŞ-ın milli valyutası olan dolların məzənnəsi iyul ayının 20-si ilə müqayisədə 0,2% artaraq 1,5693 manat təşkil edib.
Avro da manata nisbətən bahalaşıb. Avrozonanın vahid valyutası 0,34% möhkəmlənərək 1,7314 manat olub.
Əsas ticarət tərəfdaşlarımızdan biri olan Rusiyanın milli valyutası rubl 0,4% ucuzlaşaraq 0,0246 manat səviyyəsinə enib.
Türkiyə lirəsi də manata nisbətən ucuzlaşıb. Belə ki, qardaş ölkənin milli valyutası 1,11% azalaraq 0,5093 manat olub.
Rəsmi məzənnəyə əsasən, 1 ingilis funt sterlinqi 2,0769 manatdır. Beləliklə, funt sterlinq də 1,16%-lik bahalaşma nümayiş etdirib.
Gürcüstan larisinin məzənnəsi isə 0,2% möhkəmlənərək 0,6692 manata yüksəlib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
