Olimpiada

Ana səhifə

Olimpiada

Pekin Olimpiadası başa çatıb

24 avqust 2008 17:55 (UTC +04:00)

Çinin dövlət başçısı Hu Cintao və Beynəlxalq Olimpiya Komitəsinin sədri Jacques Roqqenin də qatıldığı törən 600 saat vaxt sərf olunduğu və 19 bəstəkarın hazırladığı mahnının sədaları altında keçirilib.

Olimpiadanın bağlanışı üçün stadionda 2 547 proqramlanmış, 2 583 isə xüsusi lampa yerləşdirilib. Törəndə iştirak edənlər üçün 18 stildə 4010 xüsusi geyim hazırlanıb. Törəni 232 nəfərdən ibarət heyət hazırlayıb.
Bağlanış törənində Pekin Bələdiyyəsinin sədri Guo Jinlong Olimpidanın bayrağını 2012-ci il Olimpiya Oyunlarının keçirləcəyi London bələdiyyə başqanı Boris Johnsona təslim edib. Bundan sonra isə olimpiya atəşi söndürülüb.

Olimpiadanın lideri ABŞ olub. ABŞ idmançıları 36 qızıl, 38 gümüş, 36 bürünc olmaq üzrə 110 medalla tədbirin lideri olublar.

Lakin qızıl medalların sayına görə, Olimpiadanın ev sahibi Çin lider olub. Çin idmançıları 51 qızıl medal qazanıblar. Daha 21 gümüş və 28 bürünc qazanan çinlilər toplam 100 medalla Olimpiadanı başa vurublar.

Birinci üçlüyü qapayan Rusiya isə 23 qızıl, 21 gümüş və 28 bürünc qazanıb.

Azərbaycan isə Olmpiadada iştirak tarixində ilk dəfə 7 medal qazanıb. Ölkəmizin aktivində bir qızıl, iki gümüş, 4 bürünc medalı var.

Azərbaycan cüdoçusu Elnur Məmmədov Olimpiadada ölkəmizə ilk və yeganə qızıl medalı qazandırıb.

Yunan-Roma güləşi üzrə milli komandanın üzvləri Rövşən Bayramov və Vitali Rəhimov isə gümüş medal qazanıblar.

Cüdoçu Mövlud Mirəliyev, qadınlardan ibarət güləş yığmasının ukraynalı legioneri Mariya Stadnik, sərbəst güləş üzrə Xetaq Qazyumov və boks üzrə milli komandanın kapitanı Şahin İmranov isə bürünc medal qazanıblar.