Olimpiada

Ana səhifə

Olimpiada

London Olimpiadasında iştirak edəcək azərbaycanlı idmançıların geyimlərini dünya şöhrətli italyan modelyer hazırlayacaq

27 fevral 2012 09:49 (UTC +04:00)

Gənclər və İdman Nazirliyinin mətbuat xidmətinin rəhbəri Səmayə Məmmədovanın APA-ya verdiyi məlumata görə, bununla bağlı bu gün Ermanno Scervinonun adını daşıyan moda evinin rəhbəri Toni Scervinonun Bakıya səfəri başlayır.
Məşhur dizayner Ermanno Scervino ilə əməkdaşlıq 2011-ci ildən başlayıb: “Londonda keçiriləcək Olimpiya oyunlarında ölkəmizi təmsil edəcək idmançıların formalarının dizaynı üçün Azərbaycan tərəfindən tender elan edilib. Rusiya, Sloveniya, İsveçrə və İtaliya arasında keçirilən tenderin qalibi italyan, adı ilə moda aləmində böyük imzası olan Ermanno Scervino olub. Dizayner Azərbaycanın milli elementlərini hər bir geyimdə yüksək səviyyədə göstərməklə bərabər, eyni zamanda onları daha maraqlı və özünəməxsus şəkildə ifadə etməyi bacarıb. Mərasim, idman və gündəlik geyimlərlə bərabər, aksessuarlarda da Azərbaycanın bayrağı, gerbi, bir sözlə milli atributları yüksək səviyyədə əks olunub”.
Ermanno Scervinno moda evinin rəhbəri Toni Scervinnonun Azərbaycana səfəri fevralın 28-də sona çatacaq.