Olimpiada

Ana səhifə

Olimpiada

London Olimpiadasında yüksək nəticələrə görə Azərbaycan idmançıları üçün mükafatlar müəyyənləşdirilib

03 iyul 2012 16:03 (UTC +04:00)

APA-nın məlumatına görə, Azərbaycan idmançılarını və onların məşqçilərini Londonda keçirilən XXX Yay Olimpiya Oyunlarında ən yüksək nəticələr göstərməyə həvəsləndirmək məqsədi ilə qərara alınıb:

XXX Yay Olimpiya Oyunlarında ən yüksək nəticələrə görə Azərbaycan idmançıları və onların məşqçiləri üçün mükafatların məbləği aşağıdakı qaydada müəyyən edilsin:

- birinci yeri tutan hər bir idmançıya 400 min manat, onun məşqçisinə 200 min manat;
- ikinci yeri tutan hər bir idmançıya 200 min manat, onun məşqçisinə 100 min manat;
- üçüncü yeri tutan hər bir idmançıya 100 min manat, onun məşqçisinə 50 min manat.

Prezident İ. Əliyev Londonda keçirilən XIV Yay Paralimpiya Oyunlarında əlil idmançılar və onların məşqçiləri üçün ən yüksək nəticələrə görə mükafatların müəyyən edilməsi haqqında da sərəncam imzalayıb.

Sərəncama əsasən, XIV Yay Paralimpiya Oyunlarında ən yüksək nəticələrə görə Azərbaycanın əlil idmançıları və onların məşqçiləri üçün mükafatların məbləği aşağıdakı qaydada müəyyən edilib:

- birinci yeri tutan hər bir idmançıya 200 min manat, onun məşqçisinə 100 min manat;
- ikinci yeri tutan hər bir idmançıya 100 min manat, onun məşqçisinə 50 min manat;
- üçüncü yeri tutan hər bir idmançıya 50 min manat, onun məşqçisinə 25 min manat.

London_2012