Olimpiada

Olimpiada

Azərbaycanın Olimpiya yığmasının atleti Layeş Abdullayeva 5000 metr məsafəyə qaçışda iştirak etmək qərarı verib

26 iyul 2012 15:23 (UTC +04:00)

Bakı-APA. Azərbaycan Olimpiya millisinin milliləşdirilmiş atleti Layeş Abdullayeva 2 lisenziyanın birindən imtina edib. Apasport.az saytının məlumatına görə, əslən Həbəşistandan olan idmançı 3000 m məsafəyə maneələrlə qaçışda mübarizə aparmayacaq.

Belə ki, yarışın rəsmi internet saytında onun adı yalnız 5000 m məsafəyə qaçışda göstərilib. Buna səbəb isə 2 yarış arasında vaxt azlığıdır. Avqustun 4-7-də baş tutacaq 3000 m məsafəyə maneələrlə qaçışın səhəri günü digər məsafədə iştirak idmançımız üçün çətinlik törədə bilər.