Olimpiada

Ana səhifə

Olimpiada

Bu gün London Olimpiadasında 7 idmançımız medallar uğrunda mübarizəni davam etdirəcək - PROQRAM

Bu gün London Olimpiadasında 7 idmançımız medallar uğrunda mübarizəni davam etdirəcək - <font color=red>PROQRAM</font>

10 avqust 2012 08:28 (UTC +04:00)

APA-nın məlumatına görə, taekvondoçular Ramil Əzizov (80 kq) və Fəridə Əzizova (67 kq) çıxışlarını bu gün başa çatdıracaq.

Bundan başqa sərbəst güləşdə 74 kiloqram çəki dərəcəsində mübarizə aparan təmsilçimiz Əşrəf Əliyevin də medal qazanıb-qazanmayacağı bu gün bilinəcək.

Boksçularımız Teymur Məmmədov (91 kq) və Məhəmmədrəsul Məcidov (+91 kq) artıq mimimum bürünc medalı təmin ediblər, onların qazandığı medalın əyarı bu gün keçiriləcək yarımfinal görüşlərindən sonra bir qədər də dəqiqləşmiş olacaq.

Bu gün həmçinin kanoeçimiz Valentin Demyanenko bir nəfərlik qayıqda 200 metr məsafəyə yarışların təsnifat mərhələsinə qatılacaq. Əgər bu mərhələ uğurlu keçərsə, Demyanenko yarımfinalda mübarizə aparacaq. Bu növ üzrə kanoe yarışlarının final mərhələsi sabah keçiriləcək.

Dünən yarışların ilk gününü 5-ci yerdə başa vuran bədii gimnast Aliyə Qarayeva bu gün çoxnövçülükdə təsnifat mərhələsində çıxış edəcək.

Günün proqramı:

Boks
1/2 final
Teymur Məmmədov (91 kq) – saat 19:45
Məhəmmədrəsul Məcidov (+91 kq) – saat 02:30

Bədii gimnastika
Çoxnövçülük, təsnifat mərhələsi
Aliyə Qarayeva – saat 16:00

Kanoe
Təsnifat mərhələsi, 1 nəfərlik qayıqla 200 m
Valentin Demyanenko – saat 13:51
Yarımfinal mərhələsi
Saat 15:30

Taekvondo
1/8 final
Ramil Əzizov (80 kq) – saat 13:15
Fəridə Əzizova (67 kq) – saat 16:30

Sərbəst güləş
1/16 final
Əşrəf Əliyev (74 kq) – saat 17:00