Beynəlxalq Olimpiya Komitəsi (BOK) Rusiya millisinin 2020-ci ildə keçiriləcək Tokio Yay Olimpiya Oyunlarına buraxılmamağı ilə bağlı ehtimallara münasibətini açıqlayıb.
APA-nın məlumatına görə, BOK Böyük Britaniya mətbuatında yayılan xəbərlərin qurumla bağlılığı olmadığını qeyd edib.
Bildirilir ki, bu məsələ WADA və İAAF-ın səlahiyyətlərindədir.
Qeyd edək ki, Rusiya yığması hündürlüyə tullanan Danil Lısenko ilə bağlı davam edən dopinq araşdırmalarının səbəb olduğu qalmaqala görə problemlə üzləşib. 4 illik diskvalifikasiya edilməsi gözlənilən atletlə bağlı araşdırmalar zamanı bəlli olub ki, yerli federasiya dopinq məsələlərində nəticələri saxtalaşdırmağa cəhd edib.