"Milli komandamızın geyimləri Çin şirkətinin sponsorluğu ilə hazırlanıb".
Apasport.az saytının məlumatına görə, bunu Milli Olimpiya Komitəsinin (MOK) vitse-prezidenti Çingiz Hüseynzadə deyib.
Pekin-2022 Qış Olimpiya Oyunları ilə bağlı təşkil edilən təqdimat mərasimində çıxış edən Hüseynzadə fiqurlu konkisürmə yarışında ölkəmizi təmsil edəcək Vladimir Litvintsev və Yekaterina Ryabovaya uğurlar arzulayıb: "Pekin Yay Olimpiya Oyunları bizim üçün uğurlu oldu. Ümid edirəm ki, Qış Olimpiadasında da belə olacaq. Təbii ki, medallar gözləmirik. Ancaq ümid edirik ki, idmançılarımız yaxşı nəticə əldə edəcək".