Qəbələ. Elvin Yaqubov - APA. Sentyabrın 17-də Qəbələ rayonunun Bum qəsəbəsindəki Stend və Ox Atıcılığı Kompleksində olimpiya atıcılıq növləri üzrə gənclər arasında dünya kuboku yarışlarına start veriləcək.
APA-nın yerli bürosunun xəbərinə görə “Qəbələ” Atıcılıq Klubunun və Azərbaycan Atıcılıq Federasiyasının təşkilatçılığı, Milli Olimpiya Komitəsinin, Gənclər və İdman Nazirliyinin dəstəyi ilə keçiriləcək yarışlarda iştirak edəcək dünyanın 27 ölkədən 300-ə yaxın idmançı sentyabrın 15-16-da Qəbələyə toplaşıb.
Gənc atıcılar bir həftə davam edəcək mötəbər yarışlara hazırlıq məqsədilə Stend və Ox Atıcılığı Kompleksində rəsmi təlim-məşq toplanışlarına başlayıblar.
Ayın 17-dən atıcılığın bir neçə növü üzrə dünya kuboku uğrunda yarışlara start veriləcək. Mükafatlar uğrunda 21 yaşadək olan gənc qız və oğlanlar mübarizə aparacaqlar. Yarışlar sentyabrın 23-dək davam edəcək.
Qeyd edək ki, Beynəlxalq İdman Atıcılıq Federasiyasının təqvim planına uyğun olaraq keçiriləcək bu yarış Avropa və Dünya çempionatından sonra ən mühüm yarışlar sırasındadır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
