Olimpiada

Ana səhifə

Olimpiada

Rəsul Çunayev Azərbaycana Avropa Oyunlarının üçüncü qızıl medalını qazandırıb - VİDEO - FOTOSESSİYA

Rəsul Çunayev Azərbaycana Avropa Oyunlarının üçüncü qızıl medalını qazandırıb - <span style="color: red;">VİDEO - <span style="color: red;">FOTOSESSİYA

13 iyun 2015 17:21 (UTC +04:00)

Bakı-APA. Yunan-Roma güləşi üzrə millimizin liderlərindən olan Rəsul Çunayev Azərbaycana Avropa Oyunlarının üçüncü qızıl medalını qazandırıb.

Apasport.az saytının məlumatına görə, finalda macarıstanlı Balint Korpasi ilə üz-üzə gələn idmançımız qələbə sayəsində Avropa Oyunlarının qızıl medalına sahib çıxıb - 4:2.

Rəsul Çunayev də yarışa 1/8 finaldan start verib. Universiadanın qalibi, dünya və Avropa çempionatının mükafatçısı ilk görüşdə moldovalı Daniel Kataraqa ilə üz-üzə gəlib. Çunayev rəqibinə asanlıqla qalib gələrək, mərhələ adlayıb.

Rəsul 1/4 finalda Dominik Etlinqerlə (Xorvatiya) gücünü yoxlayıb. Təmsilçimiz qələbə seriyasını davam etdirərək, rəqibini 4:0 hesabı ilə məğlub edib. Yarımfinalda Rəsul çətinliklə üzləşməyib. "Neftçi İdman Klubu"nun üzvü Svilen Kostadinovla (Bolqarıstan) görüşü 10:0 hesabı ilə öndə bitirib.