Bakı. Faiq Mahmudov – APA. “Bakıya gəlişimdən çox məmnunam. Çünki bu həqiqətən də çox möhtəşəm idman tədbiridir. Dünən ilk Avropa Oyunlarının açılış mərasimi oldu. Bu Avropa qitəsi üçün - bizim üçün bir tarixi hadisə oldu”.
APA-nın xəbərinə görə, bunu Ukrayna Olimpiya Komitəsinin prezidenti Sergey Bubka deyib.
Tədbirin çox yüksək səviyyədə təşkil olunduğunu qeyd edən Sergey Bubka atletlərin yaşayışı, yarışlarda çıxışı üçün bütün şəraitin ən yüksək standartlara uyğun olduğunu bildirib: “Bu münasibətlə Azərbaycan prezidenti İlham Əliyevi, eləcədə bütün Azərbaycan xalqını təbrik edirəm. Çünki bu həqiqətən də böyük bir töhvədir”.