Biz beynəlxalq müstəvidə fəal olmalı, Qərbi Azərbaycan irsinin araşdırılması və dünyaya tanıdılması barədə fəaliyyəti bir neçə istiqamətdə aparmalıyıq.
APA xəbər verir ki, bunu mədəniyyət nazirinin müavini Səadət Yusifova Milli Məclisdə keçirilən “Qərbi Azərbaycan: soyqırımına məruz qalan tarixi-mədəni irsimiz. Qərbi Azərbaycanın tarixi və mədəni irsinin dirçəlişi” mövzusunda ictimai dinləmədə çıxışı zamanı deyib.
“Bütün maddi irslər dəqiq tədqiq edilməlidir. İlk olaraq, həmin ərazilərdəki mədəni irslərimizin dəqiq sayı müəyyən edilməlidir. Bu baxımdan, inkişaf etmiş ölkələrin təcrübəsindən istifadə etmək mümkündür”, - mədəniyyət nazirinin müavini deyib.