Bakı-APA. Ukrayna hakimiyyəti paytaxt Kiyevdə baş vermiş iğtişaşlarla bağlı ölkədə fövqəladə vəziyyət rejimini tətbiq etmək niyyətində deyil. APA-nın “RİA Novosti”yə istinadən verdiyi xəbərə görə, bu barədə bu gün Ukrayna Milli Təhlükəsizlik və Müdafiə Şurasının katibi Andrey Klyuyev bəyan edib.
“Fövqəladə vəziyyət elan olunmayacaq”, deyə o jurnalistlərə bildirib.
APA – nın bu gün UNN agentliyinə istinadən verdiyi məlumata görə, Ukraynanın hakim partiyasının parlament fraksiyası ölkədə fövqəladə vəziyyət rejiminin tətbiqini dəstəkləyə biləcəyini bəyan etmişdi. Bunu “Regionlar Partiyası”nın parlament fraksiyası sədrinin I müavini Mixail Çeçetov bildirmişdi.
“Əgər belə bir zərurət yaransa, Ukraynanın milli maraqlarından çıxış edərək müvafiq qərarı verəcəyik”, - deyə o vurğulamışdı.