Şou-biznes

Ana səhifə

Şou-biznes

Kənan M.M-lə Aygün Şükürovanın toyunda dava düşüb

21 avqust 2008 07:46 (UTC +04:00)

Adəti üzrə qalstuk taxmayan Kənan M.M. mərasim boyu elin “bəy öz toyunda oynasa ucuzluq olar” məsəlinə əməl edərək, xeyli oynayıb. Öz həyat yoldaşından geri qalmayan Aygün Şükürova isə həm oynayıb, həm də oxuyub. Müğənni Nazimin aparıcılığı ilə keçirilən toy mərasimində muğam ifaçısı Fehruz Səxavət, müğənnilər Elton Hüseynəliyev, İlqar Muradov, Aygün Bəylər, Nurlan Növrəsli, Vüsalə Seyidova və başqaları da öz musiqi hədiyyələrini bəy və gəlinə ərməğan ediblər.

Toy mərasimində təxminən saat 23:00 radələrində isə xoşagəlməz olay yaşanıb. Belə ki, Aygün Şükürovanın rəfiqəsi, “Azəri-star” yarışmasının iştirakçısı olmuş Vüsalə Seyidovanın üstündə toyda dava düşüb. Rəfiqəsinin toyunda oxumaq istəyən Vüsalə oxumaq istəyərkən toyda iştirak edənlərdən biri ona atmaca atıb. Bu olaydan əsəbiləşən Vüsalənin qardaşı isə bacısına söz atanın qabağına çıxıb. Bacısının toyunda qalmaqal yaranmasını istəməyən Aygün Şükürovanın qardaşı isə bunun qarşısını almaq üçün mübahisə edənlərin yanına gedib. Ancaq gəlinin qardaşının müdaxiləsindən sonra vəziyyət daha da gərginləşib. Nəticədə Kənan M.M. dalaşanların arasına girərək onları ayırmaq istəyib. Bu vaxt Vüsalənin anasının vəziyyəti pisləşib. Kənan M.M.-in davanı soyutmaq istəyi isə baş tutub. Təzə bəy hər iki tərəfi sözlə başa saldıqdan sonra gərginlik aradan qalxıb.

Qeyd edək ki, avqustun 25-də Kənan M.M və Aygün Şükürova qanuni olaraq nigaha daxil olacaqlar. Elə həmin gün cütlüyün oğlan toyu keçiriləcək.

Kənan_M.M_Aygün_Şükürova