Şou-biznes

Ana səhifə

Şou-biznes

Ebru Gündəş: “11 ildən sonra Azərbaycana gəlişim məni çox sevindirir”

26 noyabr 2008 07:53 (UTC +04:00)

Bakı. Ülkər Qasımova-APA. Bu gün axşam Heydər Əliyev Sarayında konsert proqramı ilə çıxış edəcək türkiyəli sənətçi Ebru Gündəş artıq Bakıdadır.
APA-nın məlumatına görə, qonaq Bakıya bu gün səhər saat 05:00-da gəlib. Sənətçi hava limanında media nümayəndələrinin suallarını cavablandırıb. 11 ildən sonra yenidən Azərbaycanda olmasından məmnunluq duyduğunu bildirən Ebru Gündəş bugünkü konsertində bir sıra sürprizin olcağını deyib: “Nəhayət, uzun müddətdir ki, ürəyimdə saxladığım arzuma çatdım. Hansı sürprizlərin olacağını əvvəlcədən açıqlamaq istəmirəm. Təkcə onu deyim ki, albomuma daxil olan bütün mahnılarımı oxuyacağam”.

15 ilə yaxındır, sənətdə olduğunu bildirən E.Gündəş bu illər ərzində həm uğurlarla, həm də uğursuzlaqlarla rastlaşdığını söyləyib. Şəxsi həyatı barədə məlumat verən müğənni, hələ ki, toyunun vaxtının dəqiqləşmədiyini vurğulayıb: “Osmantan Erkinlə toy günümüzü dəqiqləşdikdən sonra siz də biləcəksiniz. Əsas odur ki, bu gün mən çox xoşbəxtəm. Bütün insanlara da bu cür xöşbəxtlik arzulayıram. Bu gün həm şəxsi həyatımdan, həm də yaradıcılığımdan çox məmnunam”.

Noyabrın 29-dək Bakıda olacağanı deyən türkiyəli sənətçi bu müddət ərzində şəhəri doyunca gəzəcəyini vurğulayıb.

Qeyd edək ki, Ebru Gündəşin bu gün Heydər Əliyev Sarayında verəcəyi konsert “Art Community”nin təşkilatçılığı ilə keçiriləcək.