Şou-biznes

Ana səhifə

Şou-biznes

Samir Piriyev: “Sən türkü söylə” müsabiqəsində ilk dörd yerdən birini tutsam, TRT kanalının solisti ola bilərəm”

26 yanvar 2009 11:37 (UTC +04:00)

Bakı. Ülkər Qasımova-APA. Türkiyənin “TRT” kanalında “Sən türkülərini söylə” mahnı müsabiqəsində Azərbaycanı təmsil edən Samir Piriyev Türkiyədə bir çox tanınmış şirkətlərdən əməkdaşlıq təklifi alıb. Bu barədə APA-ya açıqlama verən Samir Piriyev bu cür yüksək səviyyəli müsabiqədə iştirakdan zövq aldığını dilə gətirib: “Əsas odur ki, bu müsabiqədə səviyyəsiz, özfəaliyyət məşğul olan müğənnilərinin iştirakına icazə verilmir. Həmin müsabiqənin iştirakçıları ancaq konservatoriyanın tələbələridir. Biricin həftənin qalibi oldum, növbəti həftə isə üçüncü oldum. Mən öz işimi görürəm və münsiflərdən qiymətimi alıram. Mən orada Azərbaycanı təmsil edirəm”.

Müsabiqədə Azərbaycanı təmsil edən şəxsin seçilməsində yaranan anlaşılmazlığa gəlincə isə S. Piriyev deyib ki, o bu müsabiqənin birincisində iştirak etmək hüququ qazansa da, işlərinin çoxluğundan həmin müsabiqəyə qatıla bilməyib: “Bu dəfə də müsabiqəyə getmək istəmirdim. Ancaq dəfələrlə zəng edib bildirdilər ki, biz istəyirik ki, sən bu müsabiqəyə gələsən. Hətta TRT rəhbərinin yardımçısı mənə dedi ki, bu müsabiqəyə sən özün gəlməlisən. Mən çalışacağam ki, bu müsabiqədə birinci olum”. Müsabiqənin yeni başlamasına baxmayaraq, artıq bir sıra təkliflər alan sənətçi bu təkliflər haqqında düşündüyünü bildirib: “Türkiyənin bir çox tanınmış şirkətlərindən dəyərli təkliflər olunub. Türkiyədə mənim yeni diskim hazırlanacaq. O diskdə yalnız və yalnız Azərbaycan musiqiləri olacaq və həmin mahnılar da türk üslubunda aranjeman olunacaq”.

Samir Piriyev “Sən türkülərini söylə” yarışmasında nəticənin uğurlu olcağına inandığını bildirib: “Maraqlıdır ki, hər çıxışımda məni tamaşaçılar ayaüstə alqışlayırlar. Zərrin Özərdən başqa bütün münsiflər heyətinin üzvləri mənə 10 bal verdilər, onun 9 bal verməsini başa düşmürəm. Ancaq mənə qarşı münasibəti pis deyil. Mənə digər iştirakçılardan daha çox hörmət edirlər və qulaq asırlar. Onlar musiqi müsabiqələrinə çox ciddi yanaşırlar. Orada not bilməyən şəxsin müsabiqədə iştirakı mümkün deyil. Bu müsabiqədə münsiflər heyəti məni birinci görür. Sadəcə olaraq xalqımın dəstəyinə ehtiyacım var. Əgər mən bu müsabiqədə dörd yerdən birini tutsam, o zaman TRT kanalının solisti olacağam. TRT solistləri üçün isə Türkiyədə hər bir şərait yaradılır, həm evlə, həm də yüksək əmək haqqı ilə təmin edilirlər. Mən bu təklif barədə hələ fikirləşəcəyəm, mövqeyimi hələ də dəqiqləşdirməmişəm. Çünki bütün işimi qoyub orada qala bilmərəm. Öncə müqavilənin şərtləri ilə tanış olacağam”. Türkiyə ilə Azərbaycan arasında qalan sənətçi, hər həftə Türkiyədən qayıtmaq məcburiyyətində olduğunu deyib: “Hər həftə gedib-gəlirəm və bu da çox çətindir. Ancaq nə qədər çətin olsa da, gördüyüm iş çox şərəflidir”.

Samir Piriyev xalq artisti Aygün Kazımovanın “Xeyir ola” proqramından uzaqlaşmasının səbəbinə də aydınlıq gətirib: “Sadəcə olaraq bu proqramda 9 aya kimi işlədim və belə qərara gəldik ki, artıq kifayət edər. Həm yorğunluq olur, həftənin beş günü səhər tezdən yuxudan qalxmaq və səhər ertədən canlı ifa etmək çox çətindir. Bu, hər adamın işi deyil. Aygün xanımla da münsaibətlərimiz çox yaxşıdır”. Samir Piriyev “Sən türkü söylə” yarışmasında növbəti həftə “Yaz bana göndər” türküsünü ifa edəcəyini bildirib.