Şou-biznes

Ana səhifə

Şou-biznes

Aygün Kazımova: “50 yaşımda necə olacağım mənim üçün çox maraqlıdır” - FOTOSESSIYA

Aygün Kazımova: “50 yaşımda necə olacağım mənim üçün çox maraqlıdır” - <font color=red> FOTOSESSIYA </font>

28 yanvar 2009 08:09 (UTC +04:00)

Bakı. Ülkər Qasımova-APA. Azərbaycanın xalq artisti Aygün Kazımova 38 yaşını ad günündən bir gün sonra, yanvarın 27-də restoranlardan birində təmtəraqla qeyd edib. APA-nın məlumatına görə, A. Kazımova mərasimə modelyer, əməkdar incəsənət xadimi Fəxriyyə Xələfovanın ad gününə hədiyyə etdiyi paltarda gəlib. Özünü bu paltarda çox rahat hiss etdiyini dilə gətirən A. Kazımova, həmin gün 200 nəfərə yaxın qonaq qarşılayıb. Müğənni mərasimə qonaqlardan da tez gəlib. Tədbirdə xalq artisti Zülfiyyə Xanbabayeva, əməkdar artistlər Aygün Bəylər, Ruhəngiz Allahverdiyeva, Tünzalə Ağayeva, sənətçilər Elza Seyidcahan, İradə İbrahimova, Elton Hüseynəliyev, Ayaz Qasımov, Zamiq, Lalə Məmmədova, Elnur və başqaları iştirak ediblər.
Sənətçilərlə yanaşı tədbirə bəstəkarlar Xanım İsmayılqızı, Aygün Səmədzadə, Emin Şahin, keçmiş “Bakılı oğlanlar” yığmasının üzvləri Murad Dadaşov, Cabir İmanov da qatılıb. Xalq artisti İlhamə Quliyeva mərasimə gec gəlsə də, A. Kazımovanın yanında əyləşib. Mərasimə gələnlər arasında Olimpiya çempionu Elnur Məmmədli də olub. O, çıxış edərək Aygün Kazımovanı təbrik edib. Meyxana ustası Namiq Qaraçuxurlu da ad gününə gəlib. Tədbir boyu Namiq Qaraçuxurlunun kefsiz olduğu, qonaqlara qatılmadığı, cütlüyün yanaşı oturmaması da diqqətdən qaçmayıb. Namiq Qaraçuxurlu mərasimdə iki mahnısını Aygün Kazımovaya ərməğan edib.
N. Qaraçuxurlu jurnalistlərin suallarına cavab olaraq A. Kazımovaya Fransanın Kann şəhərində torpaq alması ilə bağlı gəzən söz-söhbətləri təkzib edib. O, Aygün Kazımovaya məişət əşyaları almaq üçün müəyyən miqdarda pul verdiyini açıqlayıb.
A. Kazımova isə APA-ya açıqlamasında ad günündə özünü çox xoşbəxt hiss etdiyini deyib. Bir çox dostlarından dəyərli hədiyyələr aldığının qeyd edən sənətçi, bu hədiyyələr arasında bir neçəsinin adını xüsusi çəkib: “Namiqdən, qızım İlqarədən, hit mahnılarımın yazarı Cəlal Qurbanovdan və sənət dostlarımdan dəyərli hədiyyələr almışam. Cəlal Qurbanov mənə çox gözəl musiqi aləti hədiyyə edib. Eyni zamanda bu gün geyindiyim bu gözəl paltarı mənə Fəxriyyə Xələfova hədiyyə edib. Bu restoran, buradakı işıqlar, səhnə də ad günümə hədiyyədir. Xalq artisti kimi ilk dəfədir ki, ad günümü qeyd edirəm və bu çox dəyişik hissdir”.

Yaşını gizlətməyən sənətçi, yaşlanmaqdan qorxmadığı da deyib. Hətta müğənni bir çox həmkarlarından fərqli olaraq tez bir zamanda 50 yaşına çatmağı istədiyini deyib: “Mən 60 yaşıma da hazıram. Artıq 38 yaşım tamam oldu, 40-a hələ iki il var. Hər saniyənin öz hökmü var. Bu illərin keçməsini çox istəyirəm. Çünki özümü 50 yaşında görməyi arzulayıram. Mənim üçün 50 yaşımda necə olacağım çox maraqlıdır”.