Şou-biznes

Ana səhifə

Şou-biznes

Monako sakini “Kann kinofestivalı”nın açılış mərasimində geyinmək üçün Fəxriyyə Xələfovanın kolleksiyasından paltar alıb - FOTOSESSİYA

Monako sakini “Kann kinofestivalı”nın açılış mərasimində geyinmək üçün Fəxriyyə Xələfovanın kolleksiyasından paltar alıb - <font color=red>FOTOSESSİYA</font>

06 aprel 2009 16:07 (UTC +04:00)

Bakı. Ülkər Qasımova-APA. Azərbaycanın əməkdar incəsənət xadimi, tanınmış modelyer Fəxriyyə Xələfova Monoko knyazlığında keçirilən “Fashion planet” moda sərgisində iştirak edib. F. Xələfovanın APA-ya verdiyi məlumata görə, martın sonlarında keçirilən sərgi “Qrimaldi forume” adlı Mərkəzi Sərgi Kompleksində şahzadə II Albertin dəstəyi ilə həyata baş tutub. Dörd gün ərzində sərgiyə mindən çox insan qatılıb. Yaz-yay mövsümünə aid moda nümayişində İtaliya, Amerika, Fransadan olan modelyerlər modalarını təqdim ediblər. Fəxriyyə Xələfovanın Moda Evi isə sərgidə “Göy sahil” (“Cote d’Azur”) kolleksiyasını təqdim edib: “Təqdim olunan kolleksiya öz rəngarəngliyi ilə, müxtəlif biçimləri ilə, fantaziya ilə seçilirdi. Hər bir təqdim olunan model özündə həm formada, həm naxışları, həm rəng baxımından harmoniya təşkil edirdi. Romantik və yüksək səviyyəli işlər mənim bir modelyer kimi xüsusi xəttimi nümayiş etdirirdi”.
Bundan əlavə, sərgidə bu kolleksiya üçün milli zərgərlik ruhunda hazırlanmış əl işləri olan bəzək və aksessuarlar təqdim olunub. Fəxriyyə Xələfova “Fashion Planet” sərgisində iştirakını öz kolleksiyasını aristokratik izləyicilərə təqdimatı kimi qiymətləndirir. Sərginin təşkili marketinq sahəsində araşdırmalar aparmağa da kömək edib. Bu araşdırmalar dünya bazarında gələcək perspektivləri müəyyənləşdirir. Monako şəhərində yaşayan bir qadın “Kann kinofestivalı”nın açılış mərasimində geyinmək Fəxriyyə Xələfovanın kolleksiyasından bir geyim alıb. Sərgi ilə bərabər Monakoda bir sıra mədəni tədbirlər də keçirilib. Bu tədbirlərdə F. Xələfova da iştirak edib. Tədbirlərdən biri foto janrı ilə maraqlananlar üçün “Fotoda moda və stil” adı altında keçirilib. Bu festivala 70 layihə təqdim olunub. Sərgidə Koko Şanel, Pier Karden, Monika Beluççi, Andreana Karambe kimi məşhur insanların fotoları nümayiş olunub. Bundan əlavə yüksək avtomobil modasına da həsr olunmuş avtomobil sərgisi də keçirilib. Bu sərgidə avtomobil sənayesinin məşhur brendləri təqdim olunub. Qeyd edək ki, hər üç tədbir ““Qrimaldi forume” sərgi salonlarında eyni vaxtda həyata keçirilib.