Şou-biznes

Ana səhifə

Şou-biznes

Dima Bilan: ““Euroviison-2009” müsabiqəsinin qalibi kimi Patrisiya Kaas və Aysellə Araşı görürəm” - FOTOSESSİYA

Dima Bilan: ““Euroviison-2009” müsabiqəsinin qalibi kimi Patrisiya Kaas və Aysellə Araşı görürəm” - <font color=red>FOTOSESSİYA </font>

14 may 2009 15:21 (UTC +04:00)

- “Eurovision-2008” müsabiqəsinin qalibi həyatınızda nəyi dəyişdi?
- Həm də çox şey dəyişdi. Əslində mən qalib olduqdan sonra bu qədər əziyyət çəkəcəyimi bilmirdim. Düşünürdüm ki, qalib olacağam, qurtardı getdi. Ancaq elə qalib olduğumun gündən başlayaraq bu günə kimi işləyirəm. Qalib olmaq bu müsabiqədə iştirak etməkdən də məsuliyyətli imiş. Bunu sonra bildim. Bütün bunlarla yanaşı qalibiyyət həyat tərzimə də, sənətimə də öz təsiri göstərdi. Qalib olandan bu günə kimi həyatım ancaq göylərdə keçib. Nə vaxt gözümü açıramsa özümü göydə, təyyarənin içində görürəm. Bu o qədər davam etdi ki, öləcəyimi zənn etdim.
- Ötən ilki müsabiqənin qalibi kimi bu ilki müsabiqənin hansı ölkə təmsilçisinin qalib gələcəyini düşünürsünüz?
- Builki iştirakçılar arasında çox güclü təmsilçilər var. Ancaq əsas iki təmsilçinin qalib olacağına inanıram. Fransanı təmsil edən Patrisiya Kaas və Azərbaycan təmsilçiləri Aysellə Araş. Onların həm mahnıları, həm səhnə görünüşləri superdir. Azərbaycan təmsilçilərinin ən azından ilk beşlikdə olacağına əminəm.
- Bu müddət ərzində Aysel və Araşla görüşünüz olub?
- Bəli, onlarla görüşmüşük. Elə iki gün bundan əvvəl onlarla birgə NTV kanalında çəkilişdə idik. Onlara söz ola bilməz. Bunu siz Azərbaycandan olduğunuza görə demirəm, bu, mənim obyektiv fikrimdir. Onlar özlərini çox düzgün təqdim edirlər. Media ilə də çox yaxşı davranılar. Yəni qalibiyyət üçün onlarda hər şey var.
- Dima Bilanın ilk beşliyində hansı ölkələr var?
- Əlbəttə ki, Rusiya. Sonra Fransa, Azərbaycan, Türkiyə, Norveç. Bu ölkələrin təmsilçiləri çox güclüdür. Rusiyanın adını çəkdim, çünki mən vətənpərvərəm və Rusiyanın ön sıralarda olmasını istəyirəm.
- Ümumiyyətlə, “Eurovision” müsabiqəsində qalib olmaq üçün iştirakçıdan əsas nə tələb olunur?
- “Eurovision”da iştirak edən sənətçidə müasirlik olmalıdır. İndi dövr dəyişib, sənətçi tamaşaçının diqqətini cəlb etməlidir. Çünki hər şey tamaşaçını səsverməsindən asılıdır. Mən qalib olmaq üçün çox əziyyət çəkdim və istədiyimi əldə etdim. Düzdür, qalibiyyət mənə ikinci iştirakım zamanı qismət oldu, ancaq əsas odur ki, mən Rusiyaya bu qalibiyyəti qazandırdım. Ötən illə bu il arasında çox fərqlər var. Əsas da təmsilçilərlə bağlı. Bu il gözəl mahnıların sayı çoxluq təşkil edir. Çoxları düşünür ki, burada şou önəmli deyil. Ancaq bu müsabiqədə mahnı, şou, rəqs, səhnə geyimi hər şey olmalıdır.
- “Eurovision” müsabiqənin siyasi müsabiqə olması ilə bağlı deyilənlərə münasibətiniz necədir?
- Mən hələ ilk dəfə iştirakım zamanı bunun qətiyyən belə olmadığını demişdim. Burada hansı siyasətdən söhbət gedə bilər ki? Builki I yarımfinalda ən yaxşı təmsilçilər finala vəsiqə qazandılar. Əgər siyasət rol oynasaydı, güclü olmayan bir ölkə təmsilçisi də finala çıxardı. Bu gün burada kimin fikrini soruşsan, hərə bir fikir söyləyəcək. Sadəcə tamaşaçı seçir, bu tamaşaçının seçimidir.
- Rusiyaya qələbə qazandırdığınız üçün bu il müsabiqə məhz Moskvada təşkil olunub. Təşkilatçılıqdan razısınız?
- Müsabiqəyə hazırlıq prosesi başlayandan bu işlərlə maraqlanıram. İnanın ki, müsabiqənin bu cürə təşkil olunacağına inanmırdım. Həqiqətən də Rusiyaya qələbə qazandırdığım üçün bu ərəfədə daha da xoşbəxt oldum. Hər şey çox yüksək səviyyədə və arzulanan kimi təşkil olunub. Bu rahat atmosferin təmsilçilərin də çıxışına müsbət təsir edəcəyinə inanıram.
- Elə bu günlərdə yeni albomunuzun təqdimat mərasimini keçirdiniz...
- Bu albom üzərində çox uzun müddət işlədim. Albomun adını da Rusiyaya və mənə qalibiyyət qazandıran “Believ me” mahnısının şərəfinə elə belə də qoydum - “Believ me”. Albom çox yüksək səviyyədə hazırlanıb. Albomumun təqdimatının da bu ərəfədə keçirilməsinin xüsusi önəmi var. Bu adı da, təqdimatın tarixini də özüm seçmişəm. Albomda ən son mahnılarım yer alıb.
- Rusiya mətbuatından ailə quracağınızla bağlı xəbərlər oxumuşuq. Bu xəbərlər nə dərəcədə doğrudur?
- Tamamilə doğrudur. Düzdür, hələ toy gününü dəqiqləşdirməmişik, ancaq sevdiyim qadınla mütləq toyumuz olacaq. Bu sevgini yaşadığım üçün çox xoşbəxtəm. Düzdür, işimin çoxluğundan toy haqda düşünməyə vaxtım olmur. Ancaq toyum olacaq.
- Bu gün II yarımfinalda çıxış edəcək ölkə təmsilçilərinə nə deyərdiniz?
- Bütün müsabiqə iştirakçılarına uğurlar arzulayıram. Özlərinə inansınlar və bacardıqları qədər əziyyət çəksinlər. İstəyim odur ki, “Eurovision-2009” müsabiqəsində həqiqətən də qalib adına layiq olan təmsilçi qalib olsun. Hansı ölkənin olacağının əhəmiyyəti yoxdur, sadəcə layiq olan qazansın. Bu müsabiqədə iştirak çox böyük uğurdur, bunu unutmasınlar. Bu müsabiqəyə gələn hər bir təmsilçi qalib olmaq istəyir, ancaq sadəcə bir təmsilçi qalib olur. Sadəcə bu müsabiqədə ölkələrini layiqli təmsil etməyə çalışsınlar, geridə qalan hər şey tamaşaçıların və münsiflər heyətinin öhdəsinə düşür. I yarımfinalı evdə televizordan izlədim. Ancaq final konsertinə mütləq gələcəyəm.