Şou-biznes

Şou-biznes

Hadisə Bakıda konsert verib - FOTOSESSIYA

Hadisə Bakıda konsert verib - <font color=red>FOTOSESSIYA</font>

11 iyul 2009 08:58 (UTC +04:00)

Konsertin deyildiyi vaxtdan gec başlamasına baxmayaraq, Hadisə uğurlu çıxışı ilə bakılı pərəstişkarlarına xoş anlar bəxş edib. Səhnəyə qara dekolte və qısa paltarda çıxan Hadisə tamaşaçıları salamlayıb, “Eurovision-2009”-un final mərhələsində ona tam xal göndərildiyinə görə bütün Azərbaycana təşəkkür edib: “Bu günü uzun müddətdir, gözləyirəm. Sizin sevginizi bu qədər yaxından hiss etmək mənim üçün böyük şərəfdir”.

Sonra türkiyəli müğənni repertuarında olan “Fass Life”, “All Together”, “Stir Me up”, “Deli oğlan”, “Askkolik” mahnılarını ifa edib. Onu səhnədə rəqqaslar müşayiət ediblər. Hadisə özü də rəqqaslarla birlikdə hər mahnıda gözəl rəqslər nümayiş etdirib. “Eurovision-2009” müsabiqəsində Hadisəyə uğur gətirən “Düm tek-tek”i isə proqram ərzində iki dəfə oxuyub.

Birinci hissənin sonunda Hadisə “Eurovision-2009” müsabiqəsində Araşla birlikdə Azərbaycanı təmsil etmiş Ayseli səhnəyə dəvət edib. Eyni müsabiqənin iştirakçıları səhnədə bir-birinin ünvanına xoş sözlər söyləyiblər. Konsertdə xüsusi qonaq qismində iştirak edən Aysel müsabiqədən sonra Azərbaycandakı ilk çıxışını “Eurovision” səhnəsi üçün xüsusi hazırlanan ağ paltarda edib. O, Azərbaycana üçüncülük qazandıran “Always“ mahnısını oxuyub. Tamaşaçılar Ayselin ifasını alqışlarla qarşılayıblar.

Konsertin ikinci hissəsi isə bu günlərdə dünyasını dəyişən dünya pop musiqisinin kralı Maykl Ceksonun ifası ilə başlanıb. Rəqqaslar kralın ifası altında səhnədə məharətlərini göstəriblər. Sonra səhnəyə yenidən Hadisə çıxıb. Müğənni konsertin ikinci hissəsində yeni işıq üzü görən “Qəhrəman” albomundan “Long distance relationships”, “Sıradan”, “My body”, “Married man”, “Evlenmeliyiz” mahnılarını ifa edib. Hadisə “Eurovision həyəcanı Bakıda” adlı proqramını “Düm tek-tek” mahnısı ilə yekunlaşdırıb.

Qeyd edək ki, konsertin informasiya dəstəyi APA İnformasiya Agentliyinə məxsusdur.