Şou-biznes

Şou-biznes

Bari Alibasov: Pulumu ödəsəniz, yenə gələrəm! – EKSKLÜZİV – FOTO

Bari Alibasov: Pulumu ödəsəniz, yenə gələrəm! – <font color=red>EKSKLÜZİV – FOTO</font>

17 avqust 2009 13:10 (UTC +04:00)

Bakı. Nicat Mustafayev – APA. Rusiyanın populyar “Na-na” qrupunun bədii rəhbəri Bari Alibasovun APA-ya müsahibəsi

- Bari Kərimoviç, Bakıda tez-tezmi olursunuz? İndiki Bakını necə gördünüz?
- Bakı mənim çox xoşuma gəlir, xüsusən indiki Bakı – yeni binalar, yeni yollar. Amma hələ də başa düşə bilmirəm ki, mənim sevimli “Azərbaycan” mehmanxanamı niyə sökürdülər. Hər dəfə Bakıya gələndə mən orada qalırdım və bu dəfə “öz mehmanxanamı” görməyəndə çox pis oldum.
Azərbaycana tez-tez gəlməyimə dair sualınıza gəlincə, onların sayını xatırlamıra. Çünki burada tez-tez oluram.
- “Na-na” qrupundan əvvəl Sizin “İnteqral” qrupunuz vardı. Doğrudur, istiqaməti başqa idi, deyəsən, rok-musiqi idi. Nə baş verdi ki, rok-musiqidən pop-musiqiyə keçdiniz?
- Doğrudur, 1967-ci ildə Mişa Arapovla birlikdə “İnteqral” qrupunu yaratdım, rok musiqisi oxuyurduq. Bir sıra festivalların qalibi olduq, sonra bir neçə dəfə qrupun tərkibi dəyişdi, 80-ci illərin sonunda isə qrup dağıldı.
1988-ci ildə pop musiqisi qrupu yaratmaq qərarına gəldim və “Na-na” qrupu yarandı.
- Rok musiqisi demişkən, Sizin kumirləriniz olubmu?
- Zamanında kumirlərim vardı, sonradan onlar mənim üçün allahlara çevrilirdilər. vaxt keçdikcə, bu allahlar dağılırdı və mən başa düşürdüm ki, onlar da mənim kimi adi insandırlar, onların səhnədə etdiklərini mən də edirəm. bir sözlə, bu allahlar mənim üçün yox oldular.
- “Na-na” qrupuna qayıdaq. Qrupunuzda yeni simalar var. Kimlərdir?
- Bunlar Yura Rımarev, Oleq Korşunov və və Seryoja Qriqoryevdir. Cəmi 19 yaşları olsa da, çox istedadlıdırlar. Bir ilə yaxındır ki, qrupumuzda fəaliyyət göstərirlər.
- “Na-na” qrupunun yaxın gələcək üçün planları nədən ibarətdir?
- Uşaqlar “Şok Şou” adlı albom üzərində işləyirlər. İsrail və Almaniyada konsert verməyi planlaşdırırıq. Qalanını isə gələcək göstərər.
Yeri gəlmişkən, keçən il “Na-na” qrupunun 20 illik yubileyi ilə əlaqədar konsertlərin qrafiki çox sıx idi.
- Bakıya növbəti səfəriniz nə vaxtdır?
- Hm. Pulumu ödəsəniz, yenə gələrəm.
P.S. Qeyd edək ki, Bari Kərimoviç Alibasov 6 iyun 1947-ci ildə Qazaxıstanın Semipalatinsk vilayətinin Çarsk kəndində çoxuşaqlı ailədə anadan olub. O, 22 il fəaliyyət göstərən “İnteqral” qrupunu yaradıb. Bu müddətdə prodüser çoxsaylı “ulduzlar” kəşf edib. Onların arasında Roza Rımbayeva, Jenya Belousov, Yuri Loza, Andrey Razin, Sergey Çelobanov, Marina Xlebnikova və başqaları var.
B.Alibasov 1989-cu ildə “Na-na” qrupunu yaradıb. Hazırda qrupun repertuarında 400-dən artıq mahnı var. Onlardan əksəriyyətinin müəllifi B.Alibasovdur.