Şou-biznes

Şou-biznes

Alla Puqaçova Bakıya gəlib - FOTO - VIDEO

Alla Puqaçova Bakıya gəlib - <font color=red>FOTO - VIDEO</font>

03 sentyabr 2009 16:13 (UTC +04:00)

Bakı. Ülkər Qasımova – APA. SSRİ xalq artisti Alla Puqaçova bir qədər əvvəl Bakıya gəlib. APA-nın məlumatına görə, Heydər Əliyev Beynəlxalq Hava Limanında görkəmli müğənnini Azərbaycan mədəniyyət və turizm nazirinin müavini Ədalət Vəliyev qarşılayıb.
A.Puqaçova jurnalistlərə açıqlamasında yenidən Bakıya gəlməkdən məmnun olduğunu bildirib: “Yaradıcılığımın ən gözəl çağları məhz Bakı ilə bağlıdır. Burda çoxlu dostlarım var. İnanmaq istəmirəm ki, bu, Bakı səhnəsində son çıxışımdır. Amma bu həqiqətdir. Bundan sonra Bakıya ancaq qonaq kimi gələcəyəm. Bu şəhərdə keçirdiyim hər bir an, hər bir dəqiqə mənim üçün əzizdir”.
Rus estradasının primadonnası Azərbaycanın separatçı Dağlıq Qarabağ bölgəsində konsert verəcəyi ilə bağlı erməni mətbuatında yayılan məlumatlara belə münasibət bildirib: “Mənim Dağlıq Qarabağda konsert vermək planım olmayıb və olmayacaq”.
Təyyarədə uçmaqdan qorxduğunu deyən A.Puqaçova deyib ki, Bakıya səfəri Rusiya prezidenti tərəfindən təmin olunub: “Prezident mənim təyyarədən qorxduğumu bilir. Ona görə də özümü inamlı hiss etməyim üçün xüsusi təyyarə ayırdı. Mən də prezidentə inanmayıb kimə inanacaqdım ki?”
Qeyd edək ki, A.Puqaçova sabah Heydər Əliyev Sarayında xüsusi konsert proqramı ilə çıxış edəcək. Sentyabrın 5-də isə Rusiya səhnəsinin primadonnası “Buta Palace”də konsert verəcək. Bu konsertdə həm də xüsusi ziyafət təşkil olunacaq. A.Puqaçov səfər çrəçivəsində Bakını gəzəcək, gəzintini lentə alaraq öz şəxsi arxivində yerləşdirəcək. Alla Puqaçova ilə Bakıya 38 nəfərdən ibarət nümayəndə heyəti də gəlib. Alla Puqaçovanın Bakıdakı hər iki konserti Mədəniyyət və Turizm Nazirliyinin təşkilatı dəstəyi ilə həyata keçirilir.