Şou-biznes

Ana səhifə

Şou-biznes

Bakı Beynəlxalq Caz Festivalına dünyanın məşhur caz ifaçıları qatılacaq

14 oktyabr 2009 13:09 (UTC +04:00)

Bakı. Ülkər Qasımova-APA. 21-27 oktyabr tarixlərində Bakıda keçiriləcək Beynəlxalq Caz Festivalı çərçivəsində dünyanın məşhur caz ifaçıları ölkəmizə gələcəklər. Bu barədə APA-ya məlumat verən Mədəniyyət və Turizm Nazirliyinin mıtbuat katibi Zöhrə Əliyeva deyib ki, festivala ABŞ-dan “Richard Bona” və “Branford Marsalis” qrupları, dZihan&Kamien dueti (Avstriya), Jazzinho (Portuqaliya) və Hard Jazz Knights (İsrail) qrupları, həmçinin Bakı Beynəlxalq Muğam Festivalının iştirakçıları olan Vasumathi Badrinathan (Hindistan) və Amir Elsaffar (ABŞ) dəvət olunublar. Festivalın açılışı oktyabrın 21-də Azərbaycan Dövlət Filarmoniyasında keçiriləcək. Konsertdə Ü. Hacıbəyli adına Azərbaycan Dövlət Simfonik Orkestri iştirak edəcək. Konsertin proqramına L.Bernstein – “Kandid” uvertürası, K.Krautgartner – Klarnet və orkestr üçün Konzertino, G.Gershwin – Blüz üslubunda rapsodiya, L.Bernstein – “West Side Story” orkestr üçün süitası daxil edilib.

Oktyabrın 22-də Caz Mərkəzində İsfar Sarabskinin (fortepiano) konserti keçiriləcək. İsfarla birgə səhnəni Aleksandr Zinger (zərb) və Ruslan Hüseynov (bass) paylaşacaq. Həmin gün Caz Mərkəzində İsrailin “Jazzing the Beatles” Hard Jazz Knights qrupu çıxış edəcək. Qrupun tərkibinə Amikam Kimelman – saksofon, Eitan Itzcovich - zərb, Eli Benakot – saksofon, Eric Naisberg – fortepiano, Yorai Oron – bass daxildir. Oktyabrın 23-də isə Aktyor Evində Cəmil Əmirov və “Savab” qrupu çıxış edəcək. Qrupa Ənvər Sadıqov (akkordeon), Emil Həsənov (bas-gitara), İsgəndər Ələsgərov (zərb) daxildir. Həmin gün “Face club”da “Jazzinho” qrupunun koserti keçiriləcək. Qrupa Guida de Palma (vokal), Miguel Casais (zərb), Daniel Lima (fortepiano), Ciro Cruz (bass) kimi tanınmış musiqiçilər daxildir.

Oktyabrın 24-də yenə eyni məkanda məşhur “dZihan&Kamien” dueti maraqlı konsert proqramı ilə çıxış edəcək. Oktyabrın 25-də Azərbaycan Dövlət Rus Dram Teatrında Richard Bona qrupunun (Richard Bona - bass və vokal, Etienne Stadwijk - klaviş, Obed Calvaire - zərb, Jean-Christophe Maillard - gitara, Marshall Gilkes - trombon, Mike Rodriguez - truba), 26-da Beynəlxalq Muğam Mərkəzində Salman Qəmbərov (fortepiano, klaviş) və "Bakustic Jazz" qrupunun Vasumathi Badrinathan və Amir Elsaffar ilə birgə konsertinin keçirilməsi nəzərdə tutulur.

Oktyabrın 27-də isə Azərbaycan Dövlət Filarmoniyasında festivalın yekun konserti keçiriləcək. Konsertdə Branford MARSALIS qrupu çıxış edəcək.